1 Ruodhi 18:5 - MUMA MALER 2015

⁵ Ahab nowacho ni Obadia niya, “Wawuoth e piny duto, e sokni kod aore duto, dipo ka wayudo lum ma dwaresgo farese gi kenje, mondo kik kech neggi duto.”

Motingʼo Loko Manyien

⁵ Ahab nosewacho ne Obadia niya, “Dhi e piny duto e sokni kod holo duto. Dipo ka wayudo lum mondo farese kod kenje obed mangima mondo kik waneg chiachwa moro amora.”

1 Ruodhi 18:5 ပူးပေါင်းရင်းမြစ်များ

1 Ruodhi 18:4

kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

1 Ruodhi 18:6

Omiyo ne gipogo piny e kindgi ji ariyo, mondo kik gimoro dong’ mak orangi. Ahab nochiko konchiel, to Obadia nochiko komachielo.

Zaburi 104:14

Imiyo lum loth ni jamni, kaachiel gi alode ma dhano chamoo, mondo oyud teko mopurogo,

Jeremia 14:3

Jodongo oro jotichgi mondo oumbnigi, to ka gichopo e sokni, to ok giyud pi, omiyo giduogo gi dapige nono. Giumo wigi nikech gidhier nono, kendo gikia gima ginyalo timo.

Joel 1:18

Dhok chur manade, kendo ng’eng’ ang’eng’a, nikech lek ongenigi. Rombe bende kech nego.

Joel 1:20

Kata mana le bende ywakni, nikech aore duto oseduono, kendo lege otwo mana ka gima mach owang’o.

Joel 2:22

Un le bende, kik ubed maluor, nikech lege loth, kendo yien nyago olemo. Ee, yiend ng’owo kod mzabibu nyago olemo mang’eny.

Amos 4:8

Ji ne a e mier moko, kendo wuotho kool kadhi e dala moro dwaro pi, to ne ok giyud moromogi. To kata kamano, ne ok uduogo ira.

Habakuk 3:17

Kata obedo ni ng’owo ok thiew, kendo mzabibu gi zeituni ok nyagi, bende puothe ok chieg cham, kendo rombe gi dhok onge dala,