1 Ruodhi 18:40 - MUMA MALER 2015

⁴⁰ Elija nokonogi niya, “Makuru jonabi mag Baal. Kik uwe kata achiel tony.” Ne gimakogi, mi Elija noterogi mwalo e aora Kishon, monegogi kuno.

Motingʼo Loko Manyien

⁴⁰ Eka Elija nochikogi kawacho niya, “Makuru jonabi mag Baal. Kik uwe ngʼato tony!” Ne gimakogi mi Elija nochiwo chik mondo tergi Holo mar Kishon kendo nonegogi kuro.

1 Ruodhi 18:40 ပူးပေါင်းရင်းမြစ်များ

1 Ruodhi 18:41

Koro Elija nowacho ni Ahab niya, “Dhi ichiem, kendo imethi, nikech awinjo ka koth mor matek.”

1 Ruodhi 19:1

Ahab nonyiso Jezebel gik moko duto mane Elija otimo, kendo kaka nonego jonabi duto.

2 Ruodhi 11:18

Mi ji duto nodhi momuko od Baal, kendo ne ginego Matan jadolo mar Baal e nyim kende mag liswago. Jehoyada noketo jorit e Od Ruoth Nyasaye.

2 Weche mag Ndalo 23:15

Omiyo ne gimake, kendo kane gichopo e dhoranga dala ruoth miluongo ni Ranga Farese, ne ginege kanyo.

2 Weche mag Ndalo 23:17

Mi ji duto nodhi momuko od Baal, gi kende-mag-liswa, kod kido duto mag Baal e nyim kende-mag-liswago.

Wuok 22:20

“Ng’ato motimo liswa ni nyasaye moro, ma ok Ruoth Nyasaye, nyaka negi.

Jeremia 48:10

(Okuong’ ng’at ma ok otiyo tich Ruoth Nyasaye gi chunye duto! Bende okuong’ ng’at ma ok oneko gi liganglane.)

Rapar mar Chik 13:5

To nyaka neg jakor wachno kata jalekno, nimar osewuoyo marach kodwaro ni mondo utamru winjo wach Ruoth Nyasaye ma Nyasachu mane oresou, kagolou Misri, kama nubedoe wasumbni. Ng’atno osetemo witou mondo uwe yo mane Ruoith Nyasaye ma Nyasachu ochikou mondo uluw. Kunege kamano, eka unugol richo ma kama kuomu.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Rapar mar Chik 18:20

To janabi ma nohedhre wacho wach moro e nyinga ma ok achike ni mondo owachi, kata ma nowuo e nying nyiseche mamoko, nyaka negi.’

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 20:10

kendo Satan mane owuondogi ne owit e ataro mar ligek mach, kama Ondiek kod Janabi mar Miriambo bende nitie. Kuno ginisandre odiechieng’ gotieno nyaka chieng’.

Jong’ad Bura 4:13

nochoko gechene mia ochiko mag nyinyo kod jolwenje duto. Eka ne giwuok Harosheth-mar-ogendini, mi gidhi e aora Kishon.

Jong’ad Bura 4:7

Enomi Sisera jaduong’ jolweny Jabin bi e aora Kishon, kaachiel gi gechene kod ogandane, kendo nochiwgi e lweti kuno.”

Jong’ad Bura 5:21

Aora Kishon maringo matek noyuoyo jo-Sisera! Adier, aora Kishon nogeng’onigi. Yaye chunya, tim teko!