1 Ruodhi 18:4 - MUMA MALER 2015

⁴ kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

Motingʼo Loko Manyien

⁴ Kane Jezebel nego jonabi mag Jehova Nyasaye, Obadia nokawo jonabi mia achiel mopandogi e buche mag pondo ariyo ka ji piero abich abich e moro ka moro kendo nomiyogi pi gi chiemo.

1 Ruodhi 18:4 ပူးပေါင်းရင်းမြစ်များ

1 Ruodhi 13:16

To nodwoke ni, “Ok anyal dok kodi, kata donjo e odi ok anyal donjo. Bende ok nachiem kata madho gimoro ok namadhi,

1 Ruodhi 17:11

To kane dhakono dhi, Elija nokowone wach ni, “Ikelnae kuon matin bende.”

1 Ruodhi 18:13

Bende isewinjo gima natimo ka Jezebel ne nego jonabi mag Ruoth Nyasaye? Napando jonabi mia achiel. Piero abich napando e rogo achiel, to piero abich e rogo machielo, mamiyogi chiemo gi pi bende.

1 Ruodhi 18:5

Ahab nowacho ni Obadia niya, “Wawuoth e piny duto, e sokni kod aore duto, dipo ka wayudo lum ma dwaresgo farese gi kenje, mondo kik kech neggi duto.”

2 Ruodhi 6:32

Noyudo ka Elisha obet ewi ode kaachiel gi jodongo. Ruoth nooro jaote ire, to kane pok jaoteno ochopo, Elisha nowacho ni jodongo niya, “Uneno kaka ng’at ma janekno oro ng’ato mondo obi ong’ad wiya oko? Ka jaoteneno ochopo ka, to ulor dhoot matek, nikech ruodhe luwo bang’e machiegni.”

2 Ruodhi 9:7

Inineg dhood Ahab ma ruodhu, mondo ochulgo kuor kuom Jezebel nikech nochuero remb jotichna ma jonabi, kod jotichna mamoko duto.

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Isaya 16:3

Giniwach niya, “Konywauru gi tekou duto, kendo tipou mondo ogeng’nwa chieng’ makech’ mondo ochalnwa ka gima en otieno. Panduru jowa ma oseriembi, kendo kik uyie mondo omak joma oringo lweny.

Jeremia 26:24

Jeremia to notony, mi ok ochiw e lwet ji mondo onege, mana nikech Ahikam wuod Shafan nokonye.

Jeremia 36:19

Bang’e ne giwachone niya, “Un gi Jeremia nyaka upondi, mondo kik ng’ato ng’e kama untie.”

Mathayo 21:35

To jopur nomako jotichnego mi ogoyo achiel, to moro ginego, kendo machielo gigoyo gi kite.

Mathayo 25:35

nikech ka ne kech kaya, to ne umiya chiemo, kendo kane riyo oloya, to ne umiya pi amodho, bende kane an wendo, to ne urwaka,

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Jo-Hibrania 11:38

Ne gin joma beyo gilala ma ok owinjore bed e pinyni. Ne gibayo abaya e thimbe kod gode ka gidak e rogo kod buche manie lowo.