1 Ruodhi 18:39 - MUMA MALER 2015

³⁹ Kane ji duto oneno gima otimore, ne gipodho piny auma, ka giwacho niya, “Ruoth Nyasaye e Nyasaye! Adier, Ruoth Nyasaye e Nyasaye!”

Motingʼo Loko Manyien

³⁹ Kane ji duto oneno mano, negipodho auma mi giywak kagiwacho niya, “Jehova Nyasaye e Nyasaye! Jehova Nyasaye en Nyasaye!”

1 Ruodhi 18:39 ပူးပေါင်းရင်းမြစ်များ

1 Ruodhi 18:21

Eka Elija nochung’ e nyim ji duto, mopenjogi niya, “Unuriwni e kind paro ariyo nyaka karang’o? Ka Ruoth Nyasaye en Nyasaye, to luweuru; to ka Baal e Nyasaye, to luwuru Baal.” To ji noling’ thi.

1 Ruodhi 18:24

Eka uluong nying nyasachu, to an abiro luongo nying Ruoth Nyasaye, kendo Nyasaye ma noor mach, e Nyasaye.” Ji duto nodwoko ni, “Wayie.”

1 Ruodhi 20:13

Eka janabi moro nobiro ir Ahab ruodh Israel, mowachone niya, “Ruoth Nyasaye owacho kama: ‘Donge ineno oganda maduong’ni? Kawuono eka abiro chiwogi e lweti, mi ining’e ni an e Ruoth Nyasaye.’ ”

1 Ruodhi 8:60

Ji duto mae piny ngima mondo ong’e ni Ruoth Nyasaye kende e Nyasaye, kendo onge moro.

1 Weche mag Ndalo 21:16

Daudi nong’iyo malo moneno malaika mar Ruoth Nyasaye kochung’ e kind polo gi piny ka en gi ligangla e lwete ma nodwaro tiekogo Jerusalem. Daudi gi jodonge noriere piny auma ka girwakore gi pien gugru.

2 Weche mag Ndalo 33:13

Nokwayo Nyasach kwerene kobolore ahinya, mi Nyasaye nowinjo ywakne mokonye, kendo nodwoke Jerusalem e lochne. Koro Manase nong’eyo ni Ruoth Nyasaye e Nyasaye.

2 Weche mag Ndalo 7:3

Kane jo-Isarel duto oneno mach kalor piny kod duong’ mar Ruoth Nyasaye ka nie Hekalu, ne gikulore piny e laru. Ne gilamo Nyasaye kendo gigoyone erokamano ka giwacho niya, “Ruoth Nyasaye ber, herane mosiko ochwere.”

Ezra 1:3

Jo-Ruoth Nyasaye duto man kuomu nyalo dhi Jerusalem e piny Juda mondo ochak oger Hekalu ni Ruoth Nyasaye ma Nyasach Israel, ma dalane en Jerusalem, kendo Nyasaye mondo obed kode.

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Zaburi 118:27

Ruoth Nyasaye e Nyasaye, kendo osemiyowa ler. Chakuru timo sawo kuting’o oboke e lwetu, kudhi nyaka e tunge mag kendo-mar-misango.

Zaburi 50:7

Un joga, chikuru itu mondo awuonu. Abiro hulo gik maricho ma un jo-Israel usetimo.

Zaburi 94:16

Onge ng’at mane ochung’ mondo okonya kuom joma richo. Adier, onge ng’at mane ochwaka kuom joma timbegi mono.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Ezekiel 20:5

Nyisgi ni an Ruoth Nyasaye awacho ni, kane ayiero jo-Israel, ne afwenyoranigi e piny Misri, mi akuong’ora ni an Ruoth Nyasaye ma Nyasachgi.

Tim jo-Lawi 9:24

Mach nomwuoch e nyim Ruoth Nyasaye, mowang’o misango miwang’o pep, kaachiel gi boche mane nie kendo-mar-misango. Kane ji duto oneno kamano, ne gikok, mi gipodho piny auma.

Johana 5:35

Johana ne en taya marieny maler, kendo kuom kinde moko ne uyie mondo lerno omiu mor.

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

Tich Joote 4:16

“Ere gima wanyalo timo ni jogi, nikech jo-Jerusalem duto ong’eyo ni gisetimo hono maduong’ kendo ok wanyal kwer?

Jong’ad Bura 13:20

Kane ligek mach bebni e kendo-mar-misango, kochiko polo, Manoa gi chiege noneno malaika mar Ruoth Nyasaye ka dum dhi e polo ei ligek majno. Omiyo ne gipodho piny auma.