1 Ruodhi 18:37 - MUMA MALER 2015

³⁷ Dwoka, Ruoth Nyasaye! Dwoka mondo jogi ong’e ni in e Nyasaye maloko chunygi iri.”

Motingʼo Loko Manyien

³⁷ Dwoka, yaye Jehova Nyasaye, dwoka mondo jogi ongʼe ni in Nyasaye, yaye Jehova Nyasaye, kendo ni iloko chunygi mondo oduog iri kendo.”

1 Ruodhi 18:37 ပူးပေါင်းရင်းမြစ်များ

1 Ruodhi 18:24

Eka uluong nying nyasachu, to an abiro luongo nying Ruoth Nyasaye, kendo Nyasaye ma noor mach, e Nyasaye.” Ji duto nodwoko ni, “Wayie.”

Luka 11:8

To awachonu ni kata ka ng’atno ok oyie chung’ mondo omiye makati nikech wach mar osiepgi kode, to kinda ma jalo timo biro miyo ochung’, mi omiye gik moko duto modwaro!

2 Weche mag Ndalo 14:11

Asa noywak ni Ruoth Nyasaye ma Nyasache niya, “A Ruoth Nyasaye ma Nyasachwa, konywa nikech wageno kuomi, kendo wabiro rado gi ogandani mana e nyingi. A Ruoth Nyasaye, in e Nyasachwa, kik dhano adhana loyi!”

1 Ruodhi 18:36

Kane sa michiwoe misango mar odhiambo ochopo, Elija janabi nosudo machiegni, mowacho niya, “Ruoth Nyasaye ma Nyasach Ibrahim, gi Isaka, kod Israel, yie mondo ji ong’e kawuono ni in e Nyasach Israel, kendo ni an e jatichni, mosetimo magi duto kaka iwacho.

1 Ruodhi 18:29

Odiechieng’ nokadho, to ne gimedo dhumore nyaka sa michiwoe misango mar odhiambo. To ne onge dwoko, kata ng’ama dewo ywakgi.

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Chakruok 32:26

Eka ng’atno nowacho niya, “Weya mondo adhi, nikech piny, dwaro ru.” To Jakobo nodwoke niya, “Ok anyal weyi idhi kapok iguedha.”

Chakruok 32:24

nodong’ kende, kendo ng’ato nobuke moi kode kanyo nyaka piny oru.

1 Ruodhi 18:38

Eka mach mar Ruoth Nyasaye nolwar, motieko misango kaachiel gi yien gi kite kod lowo, kendo nonywayo pi mane nie bur pep.

1 Samuel 17:46

Tinendeni Ruoth Nyasaye biro chiwi e lweta, mi abiro negi, kendo ang’ad wiyi oko. Ringri gi ringre jolweny mag jo-Filistia abiro weyo ni winy mae polo, kendo ni ondiegi mae thim, mondo piny duto ong’e ni nitie Nyasaye e Israel.

2 Samuel 7:26

Nyingi mondo oyud duong’ nyaka chieng’ ka ji wacho niya, ‘Ruoth Nyasaye Manyalo Gik Moko Duto en Nyasach Israel.’ Kamano dhooda nodongi e nyimi,

1 Ruodhi 20:28

Ng’at Nyasaye moro nodhi ir ruodh Israel, mowacho ne niya, “Ruoth Nyasaye owacho kama: ‘Jo-Aram osewacho ni Ruoth Nyasaye en nyasach gode, to ok en nyasach holni. Omiyo abiro chiwo oganda maduong’ni duto e lweti, eka unung’e ni an e Ruoth Nyasaye.’ ”

2 Ruodhi 19:19

To koro in Ruoth Nyasaye ma Nyasachwa, yie ireswa e lwet Senakerib, mondo ogendinii duto mae piny ong’e ni in kendi e Nyasaye.”

Zaburi 109:27

Yie imi wasika ng’eyo ni in ema iseresa kamano.