1 Ruodhi 18:31 - MUMA MALER 2015

³¹ Nokawo kite apar gariyo maromre gi kwan mar dhout yawuot Jakobo, jal mane wach Ruoth Nyasaye obirone niya, “Nyingi noluong ni Israel.”

Motingʼo Loko Manyien

³¹ Elija nokawo kite apar gariyo, ka moro ka moro ochungʼ ni dhood Israel mane owuok kuom Jakobo, mane Jehova Nyasaye owachonegi niya, “Nyingi nobed Israel.”

1 Ruodhi 18:31 ပူးပေါင်းရင်းမြစ်များ

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Chakruok 32:29

Jakobo nokwaye niya, “Yie inyisa nyingi.” To nopenje ni, “Ang’o momiyo ipenja nyinga?” Kata kamano noguedhe.

Chakruok 33:20

Nogero kendo-mar-misango kanyo, mochako ni Elelohe-Israel, (tiende ni, El, ma Nyasach Israel.)

Chakruok 35:10

kowachone niya, “Nyingi en Jakobo, to chakre kawuono ok noluongi ni Jakobo, to nyingi koro en Israel.” Kamano nochake ni Israel.

2 Ruodhi 17:34

Pod giluwo timbe machon-go nyaka chil kawuono. Ok giluoro Ruoth Nyasaye, bende ok giluw buchene gi yorene, kata mako puonjne, kata rito chik mane oketo ni nyikwa Jakobo, jal mane Ruoth Nyasaye oloko nyinge ni Israel.

Ezra 6:17

Kane girwakogo, ne gitimo misango gi ruedhi mia achiel gi imbe mia ariyo ko nyirombe mia ang’wen, to bende ne gichiwo nyuogi apar gariyo, maromre gi kar romb dhout Israel, mi gitimogo misango mar golo richo ni oganda Israel duto.

Wuok 24:4

Musa nondiko chike duto mag Ruoth Nyasaye. To kinyne gokinyi nogero kendo-mar-misango e tiend got, kendo nochungo kite apar gariyo mag rapar, maromre gi kar romb dhout Israel apar gariyo.

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Jeremia 31:1

Ruoth Nyasaye wacho niya, “Ndalo biro ma anabedie Nyasach dhout Israel duto, kendo ginibed joga.

Ezekiel 47:13

Ruoth Nyasaye nowacho niya, “Tong’ mag piny midwaro pogo e kind dhout Israel apar gariyo, ka joka Josef to yudo diriyo moloyo dhoudi mamoko, e magi:

Jo-Efeso 2:20

Un bende osegeru ewi mise mane joote kod johul wach moa kuom Nyasaye oketo, ka Kristo owuon ema obedo kidi motegno moriwo kor ot.

Joshua 4:20

Kanyo Joshua nochungoe kite apar gariyo mane gigolo e aora Jordan.

Fweny 21:12

Ne en gi ohinga maduong’ kendo mabor man gi dhorangeye apar gariyo, ma malaika apar gariyo rito. To nying dhoudi apar gariyo mag nyithind Israel nondiki e dhorangeyego.