1 Ruodhi 18:26 - MUMA MALER 2015

²⁶ Omiyo ne gikawo rwath, mi giyang’o, kendo ne giluongo nying Baal, chakre okinyi nyaka odiechieng’, ka giwacho niya, “Baal, yie idwokwa!” To ne onge dwoko kata matin. To koro ne gichikore achika ka gilworo kendo-mar-liswa mane giseloso.

Motingʼo Loko Manyien

²⁶ Omiyo negikawo rwath mane omigi mi gilose. Eka negiluongo nying Baal chakre okinyi nyaka odiechiengʼ tir ka gikok niya, “Yaye Baal, dwokwa!” To ne onge dwoko, onge ngʼama nodwoko. Kendo ne gimiel ka gilworo kendo mar misango mane giseloso.

1 Ruodhi 18:26 ပူးပေါင်းရင်းမြစ်များ

1 Ruodhi 18:24

Eka uluong nying nyasachu, to an abiro luongo nying Ruoth Nyasaye, kendo Nyasaye ma noor mach, e Nyasaye.” Ji duto nodwoko ni, “Wayie.”

1 Ruodhi 18:25

Elija nowacho ni jonabi mag Baal niya, “Yieruru rwath achiel, uyang’ mokwongo nikech ung’eny. Eka uluong nying nyasachu, to kik umok mach.”

1 Ruodhi 18:27

Kane ochopo odiechieng’ tir, Elija nojarogi, ka ngeko nyiero, kowacho niya, “Koguru matek! Donge en nyasaye? Dipo ka wach moro pod ogale, kata odich, kata odhi wuoth. Kamoro onindo, chieweuru!”

Wuok 8:14

Jo-Misri nochokogi tuche tuche, mi piny nodoko mang’ue marach.

Isaya 37:38

To chieng’ moro, kane oyudo olemo e od Nisrok nyasache, yawuote ma Adramelek gi Sharezer nobiro monege. Bang’e ne giringo, mi gidhi e piny Ararat, to Esarhadon nodoko ruoth kar Senakerib wuon mare.

Isaya 44:17

Bang’e bath yadhno modong’ to opayo, kendo olosogo nyasaye, mokulorene nyaka e lowo, kendo olamo, kowacho niya, “Resa, nimar in e nyasacha!”

Isaya 45:20

Chokreuru usud machiegni, un joma otony e ogendini. Mano kaka ufuwo, un joma ting’o nyiseche molos gi yien, kendo malamo nyasaye ma ok nyal reso ji.

Isaya 46:7

Giting’e e gokgi ka gitere dala, kendo girenje piny, mi ochung’ achung’a kanyo ma ok ong’ingni. Kata ka ng’ato kokne matek manade, to ok onyal dwoke, bende ok onyal rese e chandruok.

Jeremia 10:5

Gichalo gi gik mibwogogo winy e pwothe nikech ok ginyal wuoyo. Iting’ogi ating’a nimar ok ginyal wuotho, omiyo kik uluorgi nimar ok ginyal hinyou, to bende onge gima ber ma ginyalo timo.”

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Jona 1:5

Kibaji nogoyo jokwang’, mi ng’ato ka ng’ato nolamo nyasache. Gik mane gin go e yie ne giwito e nam, mondo yie odong’ mayot. To sechego noyudo Jona oselor e yie piny, kendo oriere kuno ka nindo ogoye ngoga.

Habakuk 2:18

Ere ohala muyudo kuom lamo nyiseche manono ma lwet dhano ema oloso? Gin mana kido mamiyo ji lal. Ere ohala ma ng’at molosogi yudo kuomgi? Chutho oloso mana nyiseche manono ma ok nyal wuoyo!

Habakuk 2:19

Unune malit, un joma wacho ni yath mopa mondo ochiew, kendo ma kwayo kidi mondo oa malo. Bende gik makamago dikelnu wach moa kuom Nyasaye adier? Obawgi gi fedha kod dhahabu, kendo gionge gi ngima.

Zefania 1:9

Chieng’no abiro kumo jogo duto mamiel e laru mar Hekalu, kendo mapong’o od ruodhgi gi timbe mahundu kod timbe mag wuond.

Mathayo 6:7

“To bende ka ulemo, to kik uthor weche manono, kaka joma kia Nyasaye timo. Giparo ni Nyasachgi biro winjogi nikech wechegi mang’enygo.

1 Jo-Korintho 12:2

Ung’eyo ni kane pok uyie kuom Kristo, ne iterou ir nyiseche manono mamomni, mi ulal.

1 Jo-Korintho 8:4

To koro korka wach chamo chiemo motimgo misango ni nyiseche manono, wang’eyo ni, “nyasaye manono en ranyisi mar gimoro ma onge chuth”, kendo ni, “nitie mana Nyasaye achiel kende”, mana kaka uwacho.

1 Samuel 5:3

Kinyne gokinyi, kane jo-Ashdod obiro, ne giyudo ni Dagon osepodho piny auma e nyim Sanduk mar Ruoth Nyasaye. Omiyo ne gichunge, mi gidwoke kare.