1 Ruodhi 18:18 - MUMA MALER 2015

¹⁸ Elija nodwoke ni, “An ok asand jo-Israel, to in gi jodhoodu ema usandogi, nikech useweyo chik Ruoth Nyasaye, kuluwo nyiseche manono miluongo ni Baal.

Motingʼo Loko Manyien

¹⁸ Elija nodwoke niya, “Ok asekelo chandruok e Israel. To in gi odi ema isejwangʼo chike Jehova Nyasaye mi iluwo Baal.

1 Ruodhi 18:18 ပူးပေါင်းရင်းမြစ်များ

1 Ruodhi 16:31

Ok noluwo mana richo mag Jeroboam kende, to gima rachie moloyo mane otimo, en ni nokendo Jezebel nyar Ethbaal ruodh jo-Sidon, kendo notiyo ni Baal, kolame.

1 Ruodhi 16:32

Noloso kendo-mar-liswa ni Baal e ot ma nogero ni Baal Samaria,

1 Ruodhi 21:25

Onge ng’at mane ochiwore mar timo gik ma Ruoth Nyasaye okwero kaka Ahab, mane Jezebel chiege chwalo.

1 Ruodhi 21:26

Notimo gik makuero chuth, kolamo gik maket kaka jo-Amor ne timo. Jo-Amorgo ema ne Ruoth Nyasaye oriembo mondo owe ni jo-Israel.

1 Ruodhi 9:9

Eka nodwokgi niya, ‘Ne giweyo Ruoth Nyasaye ma Nyasachgi, mane ogolo kweregi e piny Misri, mi ne gilamo nyiseche mamoko, kendo gitiyonigi. Emomiyo Ruoth Nyasaye osekelo masichegi duto kuomgi.’ ”

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

2 Weche mag Ndalo 28:19

Ruoth Nyasaye nothiro jo-Juda nikech Ahaz ruodhgi notimo timbe machach e Juda, koweyo Ruoth Nyasaye.

Ngeche 11:19

Ng’at ma oketo chunye kuom tim makare nobed mangima, to ng’at mosiko ka timo richo notho.

Ngeche 13:21

Chandruok luwo joricho kuonde duto. Joma kare to yudo gik mabeyo.

Ngeche 28:4

Joma ok oluoro chik pako joricho. Joma orito chik to kwerogi.

Ngeche 5:22

Richo mag ng’ama timbene mono gin obadho momake matek.

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 23:13

“Aseneno ni jonabi mag Samaria gin joma ofuwo. Ne gikoro weche e nying Baal, mi gimiyo joga Israel olal.

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Ezekiel 3:8

Koro abiro miyo wiyi bedo matek ka wigi,

Mathayo 14:4

nimar Johana nosiko kakwero Herode ni, “Ok en gima kare, kawo dhakono.”

Tich Joote 24:13

Bende ok ginyal ng’eng’a kuom weche ma gidonjonagogi.

Tich Joote 24:20

Kata joma ni kaerigi mondo owach ane ketho mane oyudago kane otera e nyim buchgi maduong’,

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

1 Samuel 14:29

omiyo Jonathan nowacho niya, “Wuora osethago ji, kuom kwerogi kamano. Neuru kaka chunya koro oduogo. Mana nikech mor kich matin ma abiloni.