1 Ruodhi 18:12 - MUMA MALER 2015

¹² To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

Motingʼo Loko Manyien

¹² Ok angʼeyo kama Roho mar Jehova Nyasaye nyalo tingʼi ma terie bangʼ kasedhi. Ka adhi ma anyiso Ahab mi ok oyudi to obiro nega. To an jatichni aselamo Jehova Nyasaye ae tin-na.

1 Ruodhi 18:12 ပူးပေါင်းရင်းမြစ်များ

1 Ruodhi 18:11

Koro iora mondo adhi anyis ruodha ni, ‘Elija ni ka!’

2 Ruodhi 2:11

To kane pod giwuotho, kendo giwuoyo, gari mar mach gi farese mag mach nobiro, mopogogi, kendo Elija noidho gi kalausi nyaka e polo.

2 Ruodhi 2:16

ka giwachone niya, “Wan gi joma rateke piero abich. Yie mondo gidhi gidwar jaduong’ni cha, dipo ka Roho mar Ruoth Nyasaye otere, moweye ewi got, kata e hoho moro.” Nodwokogi ni, “Kik uorgi.”

2 Weche mag Ndalo 34:3

E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.

Zaburi 71:5

Ruoth Nyasaye, aketo genona kuomi, mana kaka asebedo ka atimo chakre aa e nyathi.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Eklesiastes 7:18

To bed mana e diere. Ka itimo kamano, kendo iluoro Nyasaye, to inidhi nyime maber.

Isaya 50:10

Ere ng’ato kuomu moluoro Ruoth Nyasaye, kendo winjo dwond jatichne, bende ma wuotho kuonde motimo mudho, to ok ne ler kata matin? Ng’at ma kamano mondo ogen kuom Ruoth Nyasaye.

Ezekiel 11:24

Ne aneno e fweny ka Roho oting’a, mi odwoka Babulon ir joma nie tuech. Bang’e fwenyno nolalna nono.

Ezekiel 37:1

Ne awinjo ka teko Ruoth Nyasaye ni kuoma, mi Roho mare noting’a motera e holo kama choke opong’o.

Ezekiel 8:3

Ne orieyo gima chalo gi lwedo, mi omaka gi yie wiya. E fwenyno. Roho noting’a malo e kor polo, mi otera Jerusalem, moketa piny e dhoranga laru maiye mar Hekalu mochomo yo nyandwat, kuma nitie nyasaye manono ma Nyasaye mon-go.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Mathayo 4:1

Bang’ mano, Roho notero Yesu nyaka e thim, mondo Satan oteme.

Luka 1:15

nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

Tich Joote 12:19

Herode nogolo chik mondo odware, to ne ok ginyal yude. Omiyo ne onono jorit ahinya, eka nowacho ni mondo oneggi. Bang’e noa Judea odhi Kaisaria, mobet kuno kuom kinde moko.

Tich Joote 8:39

To kane giwuok e pi, Roho mar Nyasaye nokawo Filipo oago, mi jatelono ne ok ochako onene kendo, to nodhi nyime gi wuodhe, komor ahinya.

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.

1 Samuel 16:2

Samuel nodwoke ni, “Anyalo dhi nadi? To ka Saulo owinjo to donega!” Ruoth Nyasaye nowacho niya, “Kaw roya idhigo, kendo iwach ni isebiro mondo itim misango ni Ruoth Nyasaye.

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.

1 Samuel 2:26

To nyathi ma Samuel nodongo, kendo Ruoth Nyasaye gi ji nomedo bedo mamor kode.