1 Ruodhi 18:10 - MUMA MALER 2015

¹⁰ Akuong’ora gi nying Ruoth Nyasaye ma Nyasachi ni onge oganda kata piny moro ma ruodha pok ooroe ji mondo odwari. To kane jopinjego okwer ni ionge kuno, to nyaka ne gikuong’re ni gikia kuma intie.

Motingʼo Loko Manyien

¹⁰ Akwongʼora gi nying Jehova Nyasaye mangima ni onge piny moro kata pinyruoth moro ma ruodha pok oseore ngʼato mondo omanyi. To e kinde moro amora mane piny moro kata pinyruoth moro owacho ni ionge kuno, nomiyo gikwongʼore ni ne ok ginyal yudi.

1 Ruodhi 18:10 ပူးပေါင်းရင်းမြစ်များ

1 Ruodhi 1:29

Eka ruoth nokuong’ore kowacho niya, “Adier gi nying Ruoth Nyasaye ma Nyasach Israel, mosereso ngimana e masiche duto,

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 17:12

En to nodwoko ni, “Gi nying Ruoth Nyasaye ma Nyasachi, aonge gi gimoro motedi, mak mana sanja mar mogo modong’ e dak, kod mo matin e agulu. Koro eka adondo yien matin, mondo adhi atedgo chiemo, wacham gi wuoda, aye watho.”

1 Ruodhi 17:5

Nodhi kaka Ruoth Nyasaye nowacho, modak e bath aora Kerith man yo wuok chieng’ mar aora Jordan.

1 Ruodhi 17:9

“A malo, idhi Zarefath, dala moro e piny Sidon, idag kuno, nikech asechiko chi liel moro dalano mondo opidhi.”

1 Ruodhi 18:11

Koro iora mondo adhi anyis ruodha ni, ‘Elija ni ka!’

1 Ruodhi 18:15

To Elija nodwoke niya, “Gi nying Ruoth Nyasaye Manyalo Gik Moko Duto, ma Nyasacha ma atiyone, akuong’ora ni abiro nene kawuono.”

1 Ruodhi 18:9

To Obadia nopenje niya, “Ere gima aseketho, momiyo idwaro keta e lwet Ahab mondo onega?

1 Ruodhi 2:24

Gi nying Ruoth Nyasaye mosemiyo agurora motegno e loch kar Daudi wuora, kendo mosemiyo jodhooda obedo jotelo kaka nosingore, akuong’ora ni, Adonija biro tho kawuono!”

1 Ruodhi 22:14

To Mikaya nodwoke ni, “Akuong’ora gi nying Ruoth Nyasaye ni gima Ruoth Nyasaye biro wacho ema nawachi.”

Zaburi 10:2

Joricho sunga omako, kendo gisando joma odhier, omiyo onego obathgi giwegi makgi!

Zaburi 31:20

Ipandogi kama intie mondo kik ji hinygi. Ee, ipandogi kama ogeng’ore, mondo kik wasikgi yanygi.

Zaburi 91:1

Ng’at madhi ir Nyasaye Maduong’ Moloyo mondo oyud resruok kata ngat mosiko e tipo mar Ng’at Manyalo Gik Moko Duto,

Jeremia 36:19

Bang’e ne giwachone niya, “Un gi Jeremia nyaka upondi, mondo kik ng’ato ng’e kama untie.”

Jeremia 36:26

Bang’e nogolo chik mondo jaduong’ Jerameel kaachiel gi Seraya wuod Azriel kod Shelemia wuod Abdiel jodhi omak Jeremia gi Baruk jandiko mare. To noyudo ka Ruoth Nyasaye osepandogi.

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

1 Samuel 23:23

Ng’euru kuonde duto mopondoe, kendo uduogna wach madier. Eka anadhi kodu, kendo ka en e pinywa ka, to anadware kuom dhout Juda nyaka ayude.”

1 Samuel 29:6

Omiyo Akish noluongo Daudi, mowachone niya, “Gi nying Ruoth Nyasaye, in jaadiera, kendo an to aneno ni owinjore wadhi kodi e lweny, nikech pok aneno rach moro kuomi, chakre ndalo mane ibiroe ira, nyaka chil kawuono. To kata kamano, jodongo ok oyie kodi.