1 Ruodhi 18:1 - MUMA MALER 2015

¹ Bang’ ndalo mang’eny, ka oro osebetie kuom higni adek, wach Ruoth Nyasaye nobiro ni Elija niya, “Wuogi mondo Ahab oneni nikech abiro kelo koth e piny.”

Motingʼo Loko Manyien

¹ Bangʼ ndalo mangʼeny, e higa mar adek, wach Jehova Nyasaye nobiro ne Elija mowachone niya, “Dhiyo mondo inyisri ni Ahab kendo abiro kelo koth e piny.”

1 Ruodhi 18:1 ပူးပေါင်းရင်းမြစ်များ

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 17:15

Mi dhakono nodhi, motimo kaka Elija nowachone, kendo ne gichiemo gi joode kod Elija ndalo mang’eny.

1 Ruodhi 17:7

To bang ndalo moko aora nodwono, nikech koth ne onge e piny.

1 Ruodhi 18:2

Omiyo Elija nowuok mondo Ahab onene. Ndalogo kech ne duong’ e Samaria,

1 Ruodhi 8:36

to yie mondo iwinjgi e polo, kiweyonigi richogi. Nyisgi yo maber ma onego giwuothie, kendo imi koth chue e pinyi misemiyo jogi mondo obed mwandugi.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Jeremia 10:13

Omiyo pi man e tok polo wuo, kendo otugo boche polo e tung’ piny duto. Bende omiyo polo mil ka koth chue, kendo ogolo yamo kar kenone mondo okudhi.

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Tim jo-Lawi 26:4

to anakelnu koth e kinde mowinjore, mi pinyu nochieg cham kendo yiendu nonyag olembe.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Luka 4:25

Adier awachonu ni ne nitie mond liete mang’eny e Israel e ndalo Elija, kane koth olal kuom higni adek gi nus mi kech maduong’ omako piny duto.

Rapar mar Chik 28:12

Ruoth Nyasaye biro golo koth e polo kar kenone, mondo ochwenu e ndalo mowinjore, kendo obiro guedho gik moko duto mutimo. Ogendini mang’eny biro holo gik moko kuomu, to un ok nuhol kuomgi.

Jakobo 5:17

Elija ne en mana dhano ka wan. Nolemo matek mondo koth kik chue, mi koth ne ok ochue e piny kuom higni adek gi nus.

Fweny 11:2

To iwe laru maoko manie nyim Hekalu mak ipimo, nimar osemiye joma ok jo-Yahudi, kendo gibiro nyono dala maler gi tiendegi kuom dueye piero ang’wen gariyo.

Fweny 11:6

Gin gi teko mar loro polo mondo koth kik chue e ndalo ma gihuloe wach. Bende gin gi teko mar loko pige doko remo, kendo gin gi teko mar kelo tuoche mopogore opogore e piny e kinde akinda ma gidwaro.