1 Ruodhi 17:20 - MUMA MALER 2015

²⁰ Eka noywak ni Ruoth Nyasaye, kopenje niya, “Yaye, Ruoth Nyasaye ma Nyasacha, in ema isekelo masira ni chi liel ma adakgoni kinego wuode?”

Motingʼo Loko Manyien

²⁰ Eka noywak ne Jehova Nyasaye niya, “Yaye Jehova Nyasaye ma Nyasacha isekelo chandruok bende ni dhako ma chwore otho madakgo ni kimiyo wuode tho?”

1 Ruodhi 17:20 ပူးပေါင်းရင်းမြစ်များ

Chakruok 38:10

Gima notimono ne rach ni Ruoth Nyasaye, omiyo en bende Ruoth Nyasaye nonege.

Chakruok 38:7

To timbe Er ne richo e nyim Ruoth Nyasaye, omiyo Ruoth Nyasaye nonege.

1 Ruodhi 17:19

To Elija nodwoke niya, “Miya wuodi.” Eka nokawe kuome, moting’e kodhi kode e gorofa malo, kama nodakie mi nopiele e kitandane owuon.

1 Ruodhi 17:21

Eka noriere kuom nyathi didek, koywak ni Ruoth Nyasaye niya, “Ruoth Nyasaye ma Nyasacha, akwayi, yie chuny nyathini oduogi.”

2 Ruodhi 19:15

“A Ruoth Nyasaye ma Nyasach Israel, mobet ewi kerubi kaka ruoth bet e kom duong’ne, in kendi e Nyasach ogendini duto mae piny, kendo in ema nichueyo polo gi piny.

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

2 Ruodhi 20:11

Eka Isaya janabi nokwayo Ruoth Nyasaye kamano, mi Ruoth Nyasaye nodwoko tipo chien ondamo apar e raidhi mane Ahaz oloso.

2 Ruodhi 4:33

Omiyo nodonjo, moloro dhoot mondo obed kende gi nyathi, kendo nolamo Ruoth Nyasaye.

Zaburi 99:6

Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

Wuok 17:4

Kane Musa owinjo kamano nokwayo Ruoth Nyasaye gi chunye duto, kopenjo niya, “Abiro timo ang’o gi jogi, nimar gichiegni goya gi kite?”

Jeremia 12:1

“A Ruoth Nyasaye, ang’eyo ni kata ka akeloni ywakna, to biro yudore ni in ema in kare. Kata kamano pod daher penjie wach kuom adiera mari. Ere gimomiyo joma richo yudo mwandu? Koso ere gimomiyo joma jowuond dhi maber?.

Mathayo 17:21

To jachien ma kamano igolo mana gi lemo kod tueyo chiemo kende.]”

Mathayo 21:22

Ka un gi yie, to unuyud gimoro amora mukwayo kulemo.”