1 Ruodhi 17:18 - MUMA MALER 2015

¹⁸ Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

Motingʼo Loko Manyien

¹⁸ Dhakono nopenjo Elija niya, “En rach mane ma in-go koda, ngʼat Nyasaye? Ne ibiro mondo iparna richona kendo mondo ineg wuoda?”

1 Ruodhi 17:18 ပူးပေါင်းရင်းမြစ်များ

Chakruok 44:16

Juda nowachone niya, “Ruoth, ang’o ma dwawachi? Onge gima wanyalo timo mondo onyis ni wan joma kare, nimar Nyasaye osefwenyo kethowa. Wan duto koro wan wasumbi, ma ok mana jal moyud kikombeni kuome kende.”

Chakruok 50:15

Kane owete Josef oneno ni wuon-gi osetho, ne giwacho niya, “Dipo ka Josef pod nigi sadha kodwa, manyalo miyo ochulnwa kuor kuom gima rach mane watimone.”

Chakruok 50:17

‘Asayi, we ni oweteni richogi, kaachiel gi gima mono mane gitimoni’ Kuom mano yie iwenwa kuom tim marach mane watimo, nikech wan jotich Nyasaye wuoru.” To kane Josef owinjo wechego, pi wang’e noton.

2 Samuel 16:10

To ruoth nowacho niya, “Ang’o ma chandou koda, un yawuot Zeruya? We mondo okuong’a akuong’a. Ka Ruoth Nyasaye ema ochike mondo okuong’a to onge ng’ama nyalo penje gimomiyo otimo kamano.”

2 Samuel 19:22

To Daudi nodwoke niya, “Ang’o machandou koda, un yawuot Zeruya, momiyo udoko wasika tinendeni? Uparo ni bende dineg ng’ato e Israel kawuono adier? To kawuono eka ang’eyo ni kare an ruodh Israel!”

1 Ruodhi 12:22

To wach Nyasaye nobiro ni Shemaya ng’at Nyasaye niya,

1 Ruodhi 13:1

To Ruoth Nyasaye nosewacho ni jatichne moro mondo oa Juda odhi Bethlehem, mi jalo nodhi moyudo Jeroboam kochung’ e dho kendo-mar-misango kawang’o misango.

1 Ruodhi 17:17

Bang’ mano, tuo nogoyo wuod dhako ma wuon otno, kendo tuono nohinge, mi chunye nochot.

1 Ruodhi 17:19

To Elija nodwoke niya, “Miya wuodi.” Eka nokawe kuome, moting’e kodhi kode e gorofa malo, kama nodakie mi nopiele e kitandane owuon.

1 Ruodhi 18:9

To Obadia nopenje niya, “Ere gima aseketho, momiyo idwaro keta e lwet Ahab mondo onega?

1 Ruodhi 20:28

Ng’at Nyasaye moro nodhi ir ruodh Israel, mowacho ne niya, “Ruoth Nyasaye owacho kama: ‘Jo-Aram osewacho ni Ruoth Nyasaye en nyasach gode, to ok en nyasach holni. Omiyo abiro chiwo oganda maduong’ni duto e lweti, eka unung’e ni an e Ruoth Nyasaye.’ ”

2 Ruodhi 1:9

Eka ruoth nooro jatend lweny mane nigi jolweny piero abich mondo odhi ir Elija. Jatelono noyude kobet piny ewi got moro. Nowachone niya, “Ng’at Nyasaye, ruoth owacho ni mondo ilor!”

2 Ruodhi 3:13

Elisha nopenjo ruodh Israel niya, “An gang’o kodi? Dhiyo ir jokor weche ma wuoru gi meru ne dhiye!” To ruodh Israel nokwere ni, “Ok kamano nimar Ruoth Nyasaye ema osechokowa kanyakla, mondo oketwa e lwet jo-Moab.”

2 Weche mag Ndalo 35:21

To Neko noorone joote gi wach niya, “Walar ang’o kodi, ruodh Juda? In ok ema abiro monji kawuono, to abiro mana monjo dhoot ma an go gi lweny, kendo Nyasaye osechika mondo atim piyo. Kik ipiem gi Nyasaye man kora, nono to abiro tieki.”

Ayub 13:23

Nyisa ketho ma asetimo midonjonago.

Ayub 13:26

Idonjona gi weche malit, moriwo koda ka richo mane atimo ka an nyathi.

Kwan 5:15

to nyaka chwore tere ir jadolo, bed ni dhakono osedwanyore adier, kata chwore chich mana kode kayiem. Chwore nyaka kel mogo mayom moromo kilo abiriyo kaka chik dwaro, to kik oolie mo, bende kik oketie ubani, nimar en misango mar cham mitiekogo chich, tiende ni misango mifwenyogo adiera.

Mathayo 8:29

Ne gigoyo koko ka giwacho niya, “Yaye, Wuod Nyasaye, ilaro ang’o kodwa? Koso isebiro mondo isandwa kapok ndalo moketi ochopo?”

Mariko 5:7

koywak matek niya, “Yaye! Yesu Wuod Nyasaye Maduong’ Moloyo! Ilaro ang’o koda? Kuong’rina gi nying Nyasaye ni ok nisanda.”

Mariko 6:16

Herode to kane owinjo gik ma Yesu timo, nowacho niya, “En Johana Jabatiso! Ne ang’ado wiye oko, to kara osechier.”

Luka 4:34

“Yaye, Yesu ja-Nazareth, ilaro ang’o kodwa? Isebiro mondo itiekwa koso? Ang’eyi! In Ng’ama Ler moa kuom Nyasaye!”

Luka 5:8

Kane Simon oneno kamano, ne ogoyo chonge piny e nyim Yesu, mowachone niya, “Yie iweya Ruoth nikech an ng’at ma jaricho!”

Luka 8:28

Kane oneno Yesu, ne oywak matek, mi opodho e nyime kokok niya, “Yaye! Yesu, Wuod Nyasaye Maduong’ Moloyo! Ilaro ang’o koda? Asayi kik isanda!”

Johana 2:4

To Yesu nowacho ni min niya, “Mama, ere gimomiyo ikelona wachni? Kindena pok ochopo.”

Jong’ad Bura 13:6

Dhakono nodhi mowacho ni chwore niya, “Ng’at Nyasaye nende obiro ira, to kite ne lich ahinya, machalo mana gi kit malaika mar Nyasaye. Ne ok apenje kuma oaye, to bende ne ok ohulona nyinge.

1 Samuel 16:4

Kuom mano Samuel nodhi Bethlehem kaka Ruoth Nyasaye nowachone. Jodong dala nobiro romone ka kirni, mi gipenje niya, “Ibiro gi kue koso?”