1 Ruodhi 17:15 - MUMA MALER 2015

¹⁵ Mi dhakono nodhi, motimo kaka Elija nowachone, kendo ne gichiemo gi joode kod Elija ndalo mang’eny.

Motingʼo Loko Manyien

¹⁵ Nodhi motimo kaka Elija nowachone. Kamano ne nitie chiemo pile ka pile ne Elija gi dhakono kod joode.

1 Ruodhi 17:15 ပူးပေါင်းရင်းမြစ်များ

Chakruok 12:4

Omiyo Abram nochako wuoth kaka Ruoth Nyasaye nochike mi ne gidhi gi Lut. Ne en jahigni piero abiriyo gabich kane odar Harran.

Chakruok 22:3

Kuom mano Ibrahim nochiew gokinyi mang’ich. Nogawo kanje, kendo nobaro yien ma nodhi wang’ogo misango. Eka nowuok gi Isaka wuode, kod jotichne ariyo, ka gichomo kuma Nyasaye nosewachone.

Chakruok 6:22

Nowa notimo gik moko duto mane Nyasaye ochike.

1 Ruodhi 17:14

Nimar ruoth Nyasaye owacho kama: ‘Mogo manie dak, kata mo manie agulu ok norum nyaka chop chieng’ ma Ruoth Nyasaye nokel koth e piny.’ ”

1 Ruodhi 17:16

Mogo manie dak kod mo manie agulu ne ok orumo, kaka Ruoth Nyasaye nomiyo Elija owacho.

2 Ruodhi 4:5

Omiyo dhakono nodhi, molorore e ode kaachiel gi yawuote. Ne gigamone agulinigo, to en nooloe mo.

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

Mathayo 15:28

Mano omiyo Yesu nodwoke niya, “In dhako man gi yie maduong’! Gima idwaro mondo otimreni.” Kamano nyare nochango gie sano.

Mariko 12:43

Yesu noluongo jopuonjrene, mowachonigi niya, “Adier anyisou ni, chi liel modhierni osegolo chiwo maduong’ moloyo chiwo ma ji mamoko duto ogolo,

Johana 11:40

To Yesu nodwoke ni, “Donge nende awachoni ni ka in gi yie, to ibiro neno duong’ mar Nyasaye?”

Jo-Hibrania 11:17

Yie ema nomiyo Ibrahim ochiwo Isaka ka misango, kane Nyasaye oteme. Kata obedo ni Nyasaye nosesingorene,