1 Ruodhi 17:13 - MUMA MALER 2015

¹³ Elija nowachone niya, “Kik iluor. Dhi mondo itim kaka asewacho, to mokwongo ited kuon matin ikelna, eka bang’e ited modong’ ucham gi wuodi.

Motingʼo Loko Manyien

¹³ Elija nowachone niya, “Kik ibed maluor dhi dala kendo tim kaka isewacho. To mokwongo losna kuon matin kuom gima in-go mondo ikelna eka ilos gimoro ni in kaachiel gi wuodi

1 Ruodhi 17:13 ပူးပေါင်းရင်းမြစ်များ

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

1 Ruodhi 17:12

En to nodwoko ni, “Gi nying Ruoth Nyasaye ma Nyasachi, aonge gi gimoro motedi, mak mana sanja mar mogo modong’ e dak, kod mo matin e agulu. Koro eka adondo yien matin, mondo adhi atedgo chiemo, wacham gi wuoda, aye watho.”

1 Ruodhi 17:14

Nimar ruoth Nyasaye owacho kama: ‘Mogo manie dak, kata mo manie agulu ok norum nyaka chop chieng’ ma Ruoth Nyasaye nokel koth e piny.’ ”

2 Ruodhi 6:16

Nodwoke niya, “Kik iluor, nimar jowa ng’eny moloyogi.”

2 Weche mag Ndalo 20:17

To un, jo-Juda gi jo-Jerusalem, ok onego uked e lwenjni. Kuseriedo ni lweny, to uchung’ achung’a, mondo une kaka Ruoth Nyasaye biro lochonu. Kik uluor, kendo chunyu kik parre. Kiny uwuognigi awuoga, kendo Ruoth Nyasaye biro konyou.”

Wuok 14:13

Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Ngeche 3:9

Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 41:13

nikech an Ruoth Nyasaye ma Nyasachu ema amako badu ma korachwich, kendo awachonu niya, “Kik ubed maluor, nimar an ema akonyou.”

Malaki 3:10

Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete.

Mathayo 10:37

Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.

Mathayo 28:5

To malaika nowacho ni mongo niya, “Kik ubed maluor. Ang’eyo ni udwaro Yesu ma nyocha ogur e msalaba,

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Tich Joote 27:24

mi owacho niya, ‘Paulo, kik ibed maluor! Nyaka ichung’ e nyim Kaisar, kendo Nyasaye oseyie kuom ng’wonone ni joma kwang’ kodi duto ok bi tho.’

Jo-Hibrania 11:17

Yie ema nomiyo Ibrahim ochiwo Isaka ka misango, kane Nyasaye oteme. Kata obedo ni Nyasaye nosesingorene,

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.