1 Ruodhi 16:29 - MUMA MALER 2015

²⁹ E higa mar piero adek gaboro mar loch Asa ruodh Juda, Ahab wuod Omri nodoko ruodh Israel, morito Israel kuom higni piero ariyo gariyo kodak Samaria.

Motingʼo Loko Manyien

²⁹ E higa mar piero adek gaboro mar loch Asa ruodh Juda, Ahab wuod Omri nobedo ruodh Israel, kendo nobedo ruodh Israel kuom higni piero ariyo gariyo kodak Samaria.

1 Ruodhi 16:29 ပူးပေါင်းရင်းမြစ်များ

1 Ruodhi 16:21

Eka jo-Israel nopogore diriyo. Jomoko noluwo Tibni wuod Ginath, ka gidwaro kete ruoth, to jomoko noluwo Omri.

1 Ruodhi 16:23

E higa mar piero adek gachiel mar loch Asa ruodh Juda, Omri nodoko ruodh Israel, motiyo higni apar gariyo, Higni auchiel nodak Tirza,

1 Ruodhi 16:24

eka bang’e nong’iewo got Samaria kuom Shemer gi fedha, ma dirom kilo piero abiriyo kendo nochielo godno gi ohinga, mochake ni Samaria, machal gi nying Shemer, ma wuon godno.

1 Ruodhi 16:28

Omri notho, moyike Samaria; Ahab wuode nodoko ruoth kare.

1 Ruodhi 16:30

To Ahab wuod Omri notimo gik ma Ruoth Nyasaye okwero moloyo jogo duto mane okwongone.

1 Ruodhi 16:33

kendo nochungo siro milamo miluongo ni Ashera. Nomiyo Ruoth Nyasaye ma Nyasach Israel mirima moloyo ruodhi duto mag Israel ma nokwongone.

1 Ruodhi 21:18

“Dhi irom gi Ahab ruodh Israel modak Samaria, nikech enie puoth mzabibu mar Naboth, modhi kawo.

2 Weche mag Ndalo 25:13

To jolweny mane Amazia oriembo ni ok ginyal dhi kode e lweny nomwomore kuom miech Juda chakre Samaria nyaka Beth-horon, mi ne ginego ji alufu adek, kendo gipeyo gik mang’eny.

Jeremia 41:5

ji piero aboro nobiro koa Shekem gi Shilo kod Samaria. Ne oyudo giselielo tikgi, mi giyiecho lepgi, kendo gisaro dendgi, bende ne giting’o cham gi ubani mondo gichiw e Hekalu.

Hosea 13:1

Chon kane jo-Efraim wuoyo, to ji mamoko tetni. Dhoodgi ne duong’ moloyo dhout Israel mamoko. To ji noketho kuom lamo Baal, kendo gibiro tho nikech wachno.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”