1 Ruodhi 15:14 - MUMA MALER 2015

¹⁴ Hembko mane ni kuonde moting’ore ne ok okethi, to kata kamano chuny Asa ne long’o e nyim Ruoth Nyasaye e ndalone duto.

Motingʼo Loko Manyien

¹⁴ Kata obedo ni Asa ne ok oketho kuonde motingʼore malo mag lemo, chunye nochiwore chutho ni Jehova Nyasaye ndalo duto mag ngimane.

1 Ruodhi 15:14 ပူးပေါင်းရင်းမြစ်များ

1 Ruodhi 11:4

To kane oseti, mondego noloko chunye, molamo nyiseche mamoko, kendo chunye ne ok ni kare gi Ruoth Nyasaye kaka chuny Daudi wuon mare ne ni kare.

1 Ruodhi 15:3

Abija ne timo richo duto mane wuon mare otimo. Chunye ne ok long’o ni Ruoth Nyasaye kaka chuny Daudi kwar mare ne long’o.

1 Ruodhi 22:43

Jehoshafat noluwo timbe duto mag Asa wuon mare, ma ok oweyo kata achiel, kendo timbene ne long’o e nyim Ruoth Nyasaye. To hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

1 Ruodhi 3:2

Ji pod ne timo misango e hembko mane ni kuonde moting’ore, nikech ot moger ni Ruoth Nyasaye ne pod onge ndalogo.

1 Ruodhi 3:3

Solomon nohero Ruoth Nyasaye, koluwo chik Daudi wuon mare, mak mana ni notimo misango, kendo nowang’o ubani, e hembko mane ni kuonde moting’ore.

1 Ruodhi 8:61

Koro mondo chunyu obed malong’o e nyim Ruoth Nyasaye ma Nyasachwa, kuwuotho e yorene, kendo kurito chikene, kaka utimo kawuono.”

2 Ruodhi 12:3

To kata kamano ne ok oketho hembko mane ni kuonde moting’ore, kendo ji ne pod timo misengni, kendo wang’o ubani kuondego.

2 Ruodhi 14:4

to kata kamano hembko mane ni kuonde moting’ore ne ok okethi, kendo ji ne pod timo misengni, kendo wang’o ubani kuondego.

2 Ruodhi 15:4

To kata kamano hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

2 Weche mag Ndalo 14:3

Nogolo kuonde liswa mag nyiseche mag jopinje mamoko. Noketho hembko mane ni kuonde moting’ore, kendo omuko sirni milamo mag kite gi mag yien.

2 Weche mag Ndalo 14:5

Noketho hembko duto mane ni kuonde moting’ore gi kende mag ubani e miech Juda duto, mi piny nokue e ndalo lochne.

2 Weche mag Ndalo 16:9

nikech wang’ Ruoth Nyasaye ng’iyo piny duto koni gi koni mondo onyis tekone mokonyogo joma chunygi odimbore e nyime. Nitimo gima ofuwo kuom wachni, omiyo chakre kawuono ibiro bedo gi lwenje.”

2 Weche mag Ndalo 25:2

Timbe Amazia ne long’o e nyim Ruoth Nyasaye, to ne ok otimgi gi chunye duto.