1 Ruodhi 14:23 - MUMA MALER 2015

²³ Ne giloso ut lemo e hembko mane ni kuonde moting’ore, kendo ne gichungo sirni milamo mag kite gi mag yath, e gode maboyo duto, kendo e tiend yien moro amora motimo otiep.

Motingʼo Loko Manyien

²³ Bende negilosone gin giwegi kuonde motingʼore, kite milamo kod yiende mag Ashera ewi gode maboyo kendo e bwo yiende motarore.

1 Ruodhi 14:23 ပူးပေါင်းရင်းမြစ်များ

1 Ruodhi 12:31

Nogero ut liswa e hembko mane oseloso moketoe jodolo moa e dhoudi duto, kata mane ok nyikwa Lawi.

1 Ruodhi 14:15

Ruoth Nyasaye biro goyo jo-Israel, mi ginikirni kaka odundu ma pi yiengo, kendo nogol jo-Israel oko e piny maber ma nomiyo kweregini, mi nokegi koterogi loka aora Yufrate nikech gisemiyo Ruoth Nyasaye mirima, ka gichungo sirni milamo miluongo ni Ashera.

1 Ruodhi 15:12

Noriembo joterruok mag kuonde lemo, kodarogi e pinye, kendo nogolo nyiseche manono mane kwerene oloso.

1 Ruodhi 20:23

Jodong Aram nowacho ni ruodhgi niya, “Nyasach jogo en nyasach gode; mano emomiyo ne giloyowa. Koro onego waked kodgi e pap, eka wanalogi adier.

1 Ruodhi 3:2

Ji pod ne timo misango e hembko mane ni kuonde moting’ore, nikech ot moger ni Ruoth Nyasaye ne pod onge ndalogo.

1 Ruodhi 3:3

Solomon nohero Ruoth Nyasaye, koluwo chik Daudi wuon mare, mak mana ni notimo misango, kendo nowang’o ubani, e hembko mane ni kuonde moting’ore.

2 Ruodhi 10:26

mi gigoloe siro mane ji lamo, mi giwang’o.

2 Ruodhi 16:4

Bende notimo misengni, kendo nowang’o ubani, e hembko ewi gode, kendo e tiend yath moro amora motimo otiep.

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 17:19

Jo-Juda bende ne ok orito chik Ruoth Nyasaye ma Nyasachgi, to ne giluwo mana timbe mane jo-Israel ochako timo.

2 Weche mag Ndalo 24:18

Koro ji noweyo Od Ruoth Nyasaye, mi gitiyo ni sirni milamo gi nyiseche mamoko. Kethono nomiyo Nyasaye okecho kod jo-Juda gi jo-Jerusalem.

2 Weche mag Ndalo 28:4

Bende notimo misengni, kendo nowang’o ubani e hembko, gi ewi gode, kod e tiend yath moro amora motimo otiep.

Wuok 34:13

Nyaka umuk kendegi mag liswa, kendo uketh sirni maggi milamo, mag kite gi mag yien.

Isaya 57:5

Uoworu gi nyiseche manono e tiend yien mang’ich duto, kendo uwang’o nyithindu ka misengni e hohni, kendo e kind lwendni maboyo.

Jeremia 17:2

Yawuotu paro kende-mag-liswa kod sirni milamo mane ochung’ e tiend yien duto motimo tiep, kendo e pidhe

Jeremia 2:20

Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Ezekiel 6:13

Bang’e ringre joma otho noriere e kind nyisechegi manono, but kendegi mag misango, ewi gode matindo gi madongo, kendo e bwo yien duto motimo otiep, ma tiende ni kuonde duto mane giwang’oe ubani mang’ue ng’ar ni nyisechegi. Eka ng’ato ka ng’ato nong’e ni an e Ruoth Nyasaye.

Ezekiel 6:3

‘Un gode mag Israel, chikuru itu, uwinj weche ma an Ruoth Nyasaye ema awachonu. Anyisou, un gode madongo gi matindo kod hohni gi holni ni akelo lweny kuomu, mabiro ketho kuonde ma ji lamoe nyiseche manono.

Ezekiel 6:6

Mier madongo duto mag Israel nomuki, kendo kuonde moting’ore ma gilamoe nyiseche manono bende nokethi, mondo kendegi gi nyisechegi manono oketh matindotindo, kaachiel gi gik ma giwang’oe ubani, kendo gik moko duto mane giloso nolal nono.

Hosea 10:1

Jo-Israel ne chalo gi yadh mzabibu monyak maber. Kaka ne gimedo dhi nyime maber, e kaka ne gimedo gero kende mag misango, kendo kaka pinygi ne nyak maber, e kaka ne giloso sirni milamo mabeyo.

Tim jo-Lawi 26:1

“Kik ulos kido mar nyasaye manono, kendo kik uchung kido mopa kata siro milamo. Kidi moro amora mopa kik bed e pinyu mukulorune kulamo, nikech an e Ruoth Nyasaye ma Nyasachu.

Mika 5:14

Abiro muko sirni milamo e pinyu, mi aketh miechu,

Rapar mar Chik 12:2

Nyaka uketh chuth kuonde ma ogendini mubiro riembogo lamoe nyisechegi, kata ka gin ewi gode maboyo kata ewi gode matindo, kata mana ka gin e tiend yath moro amora motimo otiep.

Rapar mar Chik 16:22

kata kik uchung siro milamo, nimar gin gik ma Ruoth Nyasaye ma Nyasachu ok dwar.