1 Ruodhi 14:21 - MUMA MALER 2015

²¹ Rehoboam wuod Solomon, ma min mare niluongo ni Naama, nyar Amon, nodoko ruodh Juda. Nochako tich ka en jahigni piero ang’wen gachiel, kendo norito piny kuom higni apar gabiriyo, kodak Jerusalem, dala mane Ruoth Nyasaye oyiero kuom dhout Israel duto mondo nyinge obedie.

Motingʼo Loko Manyien

²¹ Rehoboam wuod Solomon ne ruoth e Juda. Ne en ja-higni piero angʼwen gachiel kane obedo ruoth, kendo nobedo e loch kuom higni apar gabiriyo e Jerusalem, e dala maduongʼ mane Jehova Nyasaye oseyiero kuom dhoudi duto mag Israel mondo oketie Nyinge. Nying min-gi ne en Naama nyar jo-Amon.

1 Ruodhi 14:21 ပူးပေါင်းရင်းမြစ်များ

1 Ruodhi 11:1

Ruoth Solomon nohero nyi pinje mamoko mang’eny. Nokendo nyar Farao, gi nyi Amon, gi nyi Edom, gi nyi Sidon, kod nyi Hiti.

1 Ruodhi 11:32

to Solomon nodong’ gi dhoot achiel, mana nikechh ahero Daudi jatichna, kendo nikech Jerusalem dala maseyiero kuom dhoudi duto mag Israel.

1 Ruodhi 11:36

Wuode to abiro miyo dhoot achiel, mondo Daudi jatichna obed gi taya maliel e nyima e Jerusalem, dala maseyiero mondo aketie nyinga.

1 Ruodhi 11:43

Solomon notho, moyike e dala Daudi wuon mare. Rehoboam wuode nodoko ruoth kare.

1 Ruodhi 12:17

Mi jo-Israel nodok miechgi.

1 Ruodhi 14:20

Jeroboam norito piny kuom higni piero ariyo gariyo. Notho moyike, eka Nadab wuode nodoko ruoth kare.

1 Ruodhi 14:31

Rehoboam notho, moyike but kwerene e dala Daudi. Min mare ne nyinge Naama nyar Amon. Abija wuod Rehoboam nodoko ruoth kare.

1 Ruodhi 22:42

Nokawo loch ka en jahigni piero adek gabich, kendo norito piny kuom higni piero ariyo gabich kodak Jerusalem. Min mare ne nyinge Azuba nyar Shilhi.

1 Ruodhi 8:16

‘Chakre ndalo mane areso joga Israel, kagologi e piny Misri, pok ayiero dala moro kuom dhout Israel duto, mondo ogernae ot ma nyinga betie, to nayiero Daudi mondo obed jatend joga Israel.’

1 Ruodhi 8:29

Odiechieng’ gotieno mondo irang ot misewacho ni nyingi nobedieni, kendo iwinj lemo ma anakwa ka eri.

1 Ruodhi 8:44

“A Ruoth Nyasaye, ka jogi dhi e lweny kedo gi wasikgi kamoro amora miorogie, mi gilami, ka gichomo dala miseyiero kod Hekalu ma asegeroni,

2 Weche mag Ndalo 12:1

Kane loch Rehoboam osegurore motegno, en, kaachiel gi jo-Israel duto, ne giweyo chik Ruoth Nyasaye.

2 Weche mag Ndalo 12:13

Ruoth Rehoboam norito piny kodak Jerusalem, kendo lochne nomedo gurore. Ne en jahigni piero ang’wen gachiel kane odoko ruoth, kendo norito piny kuom higni apar gabiriyo, kodak Jerusalem, dala mane Ruoth Nyasaye oyiero kuom dhout Israel duto mondo nyinge obedie. Min mare ne nyinge Naama, nyar Amon.

2 Weche mag Ndalo 13:7

Kendo jomahundu manono noriwore kode mokwedo Rehoboam wuod Solomon ka ne pod en rawera ma chunye yom, kendo ma ok nyal sirogi.

Wuok 20:24

Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Rapar mar Chik 12:21

To ka obedo ni kama Ruoth Nyasaye ma Nyasachu biro yiero mondo nyinge obedie bor kod ng’atno, to onyalo nego chiache moro ma Ruoth Nyasaye omiye, kendo onyalo chame e dalane sa asaya modwaro.

Rapar mar Chik 12:5

Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu.

Rapar mar Chik 23:3

“Jo-Amon gi jo-Moab kata mana nyaka nyikwagi mar apar kik donj e chokruok mar jo-Ruoth Nyasaye. Ok ginidonj e chokruokno,