1 Ruodhi 14:2 - MUMA MALER 2015

² Jeroboam nowacho ni chiege niya, “Lok kiti, mondo kik ng’ato ng’e ni in chiega, kendo idhi Shilo ir Ahija janabi ma nokoro ni an ema nabed ruodh pinyni.

Motingʼo Loko Manyien

² kendo Jeroboam nowacho ni chiege niya, “Dhiyo, iwuondri mondo kik ngʼato fweny ni in chi Jeroboam, kendo dhi nyaka Shilo nimar Ahija janabi nikuro, en ema nonyisa ni anabed ruodh jogi.

1 Ruodhi 14:2 ပူးပေါင်းရင်းမြစ်များ

2 Samuel 14:2

Omiyo nooro jaote Tekoa, moomone dhako moro mariek kuno. Joab nowacho ni dhakono niya, “Rwakri gi lep ywak, mondo iwuondri ka ng’ama ywago ng’ama otho. Kik iwirri gi mo, to chal dhako moseywago ng’ama otho kuom ndalo mang’eny.

1 Ruodhi 14:1

E ndalogo Abija wuod Jeroboam ne tuo.

1 Ruodhi 14:4

Chi Jeroboam notimo kamano; nodhi Shilo mochopo e od Ahija. To koro Ahija ne ok nyal neno; wengene nosechor, nikech hike noniang’.

1 Ruodhi 20:38

Eka janabino nodhi morito ruoth Ahab e yo, koumo wang’e gi nanga mondo kik ong’eye.

1 Ruodhi 22:30

Ruodh Israel nowacho ni Jehoshfat niya, “Kwadhi e lweny, to abiro rwako lewni moko mondo kik ji ng’eya, to in rwak lepi mag ruoth.” Kamano ruodh Israel noloko kite, modhi e lweny.

2 Weche mag Ndalo 18:29

Ruodh Israel nowacho ni Jehoshafat niya, “Kwadhi e lweny, abiro rwako lewni moko mondo kik ji ng’eya, to in rwak lepi mag ruoth.” Kamano ruodh Israel noloko kite kendo ne gidhi e lweny.

2 Weche mag Ndalo 28:4

Bende notimo misengni, kendo nowang’o ubani e hembko, gi ewi gode, kod e tiend yath moro amora motimo otiep.

Luka 12:2

Onge gimoro amora mopandi ma ok nong’ere achien, kendo onge wach moro maling’ling’ ma ok nofwenyre.

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.

1 Samuel 28:8

Saulo no wako lewni mopogore gi mane ojarwako, mondo orweny ji. Eka nokawo ji ariyo, modhigo ir dhakono gotieno. Nowacho ni dhakono niya, “Korna wach gi nyakalondo, kendo igolna ng’at mabiro wachoni, kuom joma otho.”