1 Ruodhi 14:15 - MUMA MALER 2015

¹⁵ Ruoth Nyasaye biro goyo jo-Israel, mi ginikirni kaka odundu ma pi yiengo, kendo nogol jo-Israel oko e piny maber ma nomiyo kweregini, mi nokegi koterogi loka aora Yufrate nikech gisemiyo Ruoth Nyasaye mirima, ka gichungo sirni milamo miluongo ni Ashera.

Motingʼo Loko Manyien

¹⁵ Kendo Jehova Nyasaye biro goyo Israel, mochal mana gi odundu ma yamo tero ewi pi. Obiro pudho Israel oko kogologi e piny maber mane omiyo kweregi mi okegi loka Aora nikech negimiyo Jehova Nyasaye mirima ka giloso ludhe mag Ashera.

1 Ruodhi 14:15 ပူးပေါင်းရင်းမြစ်များ

1 Ruodhi 14:9

to in iseketho moloyo joma nokwongoni; iseloso nyisecheni iwuon mag chuma, kimiyago mirima, kendo iselokona ng’eyi.

2 Ruodhi 15:29

E ndalo mag loch Peka ruodh Israel, Tiglath-pileser ruodh Asuria nobiro, mokawo Ijon gi Abel-bethmaaka gi Janoa gi Kedesh gi Hazor gi Gilead kod Galili. Kamano nokawo piny Naftali duto, motero jopinyno nyaka Asuria e tuech.

2 Ruodhi 17:11

Ne giwang’o ubani kuondego duto, kaka ogendini mane Ruoth Nyasaye oriembo e pinyno ne timo, kendo ne gitimo timbe mamono, mane omiyo Ruoth Nyasaye mirima.

2 Ruodhi 17:16

Ne giweyo chike duto mag Ruoth Nyasaye ma Nyasachgi, ka gilenyo mula mi gilosgo nyiroye ariyo mondo gilam, kendo ka gichungo siro milamo. Bende ne gilamo sulue duto, kendo ne gitiyo ni Baal.

2 Ruodhi 17:17

Ne giwang’o yawuotgi gi nyigi ka misango, kendo ne giwuoyo gi nyakalondo. Kamano ne gichiwore ni timbe maricho e nyim Ruoth Nyasaye, ka gimiyego mirima.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Weche mag Ndalo 7:20

napudh jo-Israel ka buya, mi nagolgi e piny ma namiyogi, kendo Hekalu ma asegwedho mondo nyinga oyudgo duong’ni, naketh mondo olal e wang’a, mi naloke ka ngero, kendo gima ji duto jaro.

Zaburi 52:5

Kuom mano, Nyasaye notieki chuth. Obiro maki, mi oyudhi oko e piny joma ngima!

Ngeche 2:22

To Nyasaye noriemb joricho e piny, kendo nopudh joma timbegi mono gi lop tiendgi, mana ka buya mipudho e lowo.

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Jeremia 28:8

Jonabi machon mane okwongonwa ne koro wach ni lweny gi kech kod tuo biro biro kuom ogendini mang’eny gi pinje marateke.

Tim jo-Lawi 26:43

Piny nodong’ gunda ka joma odakie oseaye, kendo nonind ma ok opure mondo ochul sabato duto mane ok oyueyoe. Giniyud kum kuom richogi nimar ne gichayo chikena, kendo gidagi luwogi.

Amos 2:9

To koro eka un ema numiyo atieko jo-Amor ma raboche ka yiend sida, kendo matek ka yiend ober. Ne atiekogi pep!”

Amos 5:27

kendo abiro darou mi ateru e tuech, e piny man loka machielo mar Damaski.” Ruoth Nyasaye Manyalo Gik Moko Duto owacho kamano.

Zefania 2:4

Dala mar Gaza ibiro we nono. Ashkelon bende biro dong’ gunda, kendo jo-Ashdod ibiro riembo mana odiechieng’ tir. Ekron to ibiro dhuolo gi lop tiende.

Mathayo 11:7

Kane oyudo jopuonjre Johana koro dok, Yesu nowuoyo ni ji kuom Johana, kopenjogi niya, “E kinde mane udhi ir Johana e thim, ang’o mane udhi neno? Odundu ma yamo yiengo koso?

Mathayo 15:13

Yesu nodwokogi ni, “Gimoro amora mane Wuora mae polo ok opidho, ibiro pudho.

Luka 7:24

Kane joote Johana josedok, Yesu nowuoyo ni ji kuom Johana, kopenjogi niya, “E kinde mane udhi ir Johana e thim, ang’o mane udhi neno? Odundu ma yamo yiengo koso?

Tich Joote 7:43

Ooyo, ne uting’o mana hemb Molek kod sulue mar Refan, ma gin nyiseche mane useloso mondo ulam. Kuom mano, koro abiro darou, mi ateru mabor, tok Babulon.’

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

1 Samuel 12:25

To kusiko kutimo richo, to obiro tiekou kaachiel gi ruodhu.”