1 Ruodhi 14:10 - MUMA MALER 2015

¹⁰ Emomiyo abiro keloni masira ni dhoodi, kendo abiro tieko joodi machwo duto koda ka wasumbni, ma onge ng’ati ma nodong’ e Israel, kendo abiro yweyo jodhoodi oko pep, mana kaka ng’ama wang’o owuoyo marum chuth.

Motingʼo Loko Manyien

¹⁰ “ ‘ Kuom mano, adhi kelo chandruok ne od Jeroboam. Abiro ngʼado yawuowi duto mawuok e od Jeroboam man Israel bed ni gin wasumbini kata ok gin wasumbini. Abiro wangʼo od Jeroboam mana kaka ngʼato wangʼo owuoyo nyaka oliel duto.

1 Ruodhi 14:10 ပူးပေါင်းရင်းမြစ်များ

1 Ruodhi 13:34

Timni nomiyo dhood Jeroboam obedo joketho, mi notiekgi chuth, ma onge modong’ e piny.

1 Ruodhi 16:11

Kane Zimri osedoko ruoth, nonego jodhood Baasha duto, ma ok oweyo kata ng’ama dichwo achiel kuom wedene, kata osiepene.

1 Ruodhi 16:3

Emomiyo abiro yweyi oko, kaachiel gi jodhoodi, kendo anami odi bed kaka od Jeroboam wuod Nebat.

1 Ruodhi 21:21

Omiyo Ruoth Nyasaye owacho niya, ‘Abiro kelo masira kuomi. Abiro yweyi oko, kendo abiro tieko jodhoodi machwo duto, ma onge kata ng’at achiel ma nodong’ e Israel.

2 Ruodhi 14:26

Kane Ruoth Nyasaye oneno ni masich jo-Israel lit ahinya, kendo onge ng’ato kata achiel manyalo konyogi, nomiyo Jeroboam wuod Jehoash oresogi,

2 Ruodhi 21:13

Abiro pimo Jerusalem gi tol mane apimogo Samaria, kendo gi rapim mane apimogo dhood Ahab. Abiro nang’o Jerusalem mapoth, mana kaka kungu nang’o puodho.

2 Ruodhi 9:37

kendo ringre nochal kaka owuoyo moyar e puothe mag Jezreel, ma onge ng’ato ma nong’e ni, ma e Jezebel.’ ”

Ayub 20:7

to achien noyweye oko mana ka buru, mi olal nono. Joma ne ong’eye nowuor kuma odhiye.

Zaburi 83:10

Ne oneggi Endor, mi ringregi odong’ katop kuno,

Isaya 14:19

to in, osewiti oko, mi irieri piny mak oyiki, mana ka guok motho. Joma oneg e lweny, mowit e bur motimo kite, ema ogangore kuomi.

Isaya 14:23

Abiro loko Babulon siany, kendo time kama chiewo ema dakie. Anakethe chuth mana ka gima oywe gi yuech.” Mago e weche mar Ruoth Nyasaye Manyalo Gik Moko Duto.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Jeremia 32:18

Isenyiso herani mosiko ni ji gana gi gana, to bende ikumo ji nikech richo mag wuonegi. In Nyasaye maduong’ man gi teko, kendo nyingi en Ruoth Nyasaye Manyalo Gik Moko Duto.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Ezekiel 26:4

Gibiro muko ohinga mari, kod kuondeni mochiel motegno mag siro lweny. Bang’ mano, anaywer lowo duto oko kuomi, mi awe kidong’ mana lwanda lilo.

Amos 3:6

“Bende tung’ mar lweny nyalo ywak e dala mak omiyo ji luoro? Koso gimoro nyalo timore e dala ka ok Ruoth Nyasaye ema okelo?

Zefania 1:17

Ruoth Nyasaye owacho niya, “Abiro kelo ni ji thagruok malich, kendo ginituomre atuoma ka muofni, nikech richo ma gisetimo e nyima. Rembgi nochuer ka pi, kendo ringregi noriere, ka tow e lowo.

Malaki 2:3

Anang’ad bedeu oko kendo anarwadh owuoch jamni mutimogo misengni e pat wengeu, mi nariembu ua e wang’a.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.

1 Samuel 25:22

Nyasaye mondo okweda ka aweyo kata ng’at achiel madichwo kuom joge kangima kawuononi!”

1 Samuel 25:34

Adier, gi nying Ruoth Nyasaye ma Nyasach Israel, mosegeng’a ni kik atimni malit, ka da ok ireto ka ibiro romona, to kiny ka piny oru ok dodong’ni Nabal kata ng’ama dichwo achiel.”