1 Ruodhi 13:8 - MUMA MALER 2015

⁸ To ng’at Nyasaye nodwoko ruoth niya, “Kata da bed ni imiya mana nus mwanduni, to ok nadonj e odi. Ok nachiem, kata madho gimoro ok namadh ka,

Motingʼo Loko Manyien

⁸ To ngʼat Nyasaye nodwoko ruoth niya, “Kata ne bed mana ni inyalo miya nus mwanduni duto ok anadhi kodi kata chamo chiemo kata modho pi ka.

1 Ruodhi 13:8 ပူးပေါင်းရင်းမြစ်များ

1 Ruodhi 13:9

nikech wach Ruoth Nyasaye nobirona ni kik achiem kata kik amadh gimoro, bende kik adog gi yo mane abirogo.”

2 Ruodhi 5:16

To nodwoke niya, “Gi nying Ruoth Nyasayee ma atiyone, ok nakaw gimoro.” Nochune mondo okaw, to Elisha nodagi.

Zaburi 141:4

Rita mondo kata mana gombo timo richo kik agombi, kata kik akony joricho timo timbegi mamono. Bende kik iwe abed kodgi kaachiel e sewni maggi.

Wuok 5:3

Ne giwachone niya, “Nyasach jo-Hibrania oseromo kodwa. Omiyo, yie iwe wadhi e wuodh ndalo adek e thim, mondo watim misango ni Ruoth Nyasaye ma Nyasachwa, nono to obiro kelonwa tho, kata lweny ma ditiekwa.”

Wuok 5:6

Odiechieng’no, Farao nochiko jo-Misri ma jorit wasumbni kod jo-Israel ma nyipeche niya,

Wuok 7:2

Ininyis Harun owadu weche duto ma abiro chiki mondo iwachi, to en ema nowach ni Farao ni mondo owe jo-Israel oa e pinye.

Kwan 22:18

To Balaam nodwoko jodong Balak niya, “Kata ka bed ni Balak dwaro miya fedha gi dhahabu duto manie ode, to ok anyal chayo chik Ruoth Nyasaye ma Nyasacha e yo moro amora.

Kwan 22:8

Balaam nowachonigi niya, “Ninduru ka otienoni, kendo abiro wachonu gima Ruoth Nyasaye onyisa kuom wachni.” Kuom mano jodong Moabgo nonindo ka Balaam.

Kwan 24:13

ni kata dibed ni Balak dwaro miya fedha kod dhahabu duto manie ode, to ok anyal chayo chik Ruoth Nyasaye, ka atimo dwarona awuon, bed ni en gima ber kata gima rach, to abiro wacho mana gima Ruoth Nyasaye onyisa.

Mariko 6:11

To kamoro amora ma ji ok dwarue, to ayeuru, kendo teng’uru buch tiendu, mondo obednigi siem!”

Mariko 6:23

Eka nokwong’ore niya, “Adier akuong’ora ni namiyi gik moko duto mikwaya, kata bed mana ni en bath pinya konchiel!”