1 Ruodhi 13:6 - MUMA MALER 2015

⁶ Eka ruoth nowacho ni ng’at Nyasaye niya, “Kwana Ruoth Nyasaye ma Nyasachi mondo bada ochangi.” Eka ng’at Nyasaye notimo kamano, mi bade notugore.

Motingʼo Loko Manyien

⁶ Eka ruoth nowacho ni ngʼat Nyasayeno niya, “Kwana Jehova Nyasaye ma Nyasachi kendo lamna mondo lweta odog kare.” Kamano ngʼat Nyasayeno nokwayone Jehova Nyasaye kendo lwet ruoth nodok kare kaka ne en.

1 Ruodhi 13:6 ပူးပေါင်းရင်းမြစ်များ

1 Ruodhi 13:5

Kendo-mar-misango bende nobarore, mi buru manie wiye nopukore. Mano noluwore gi ranyisi mane ng’at Nyasaye nokoro, mana kaka Ruoth Nyasaye nochiko.

Zaburi 119:58

Akwayi gi chunya duto ni mondo ing’wonna kaka isesingori.

Wuok 10:17

Koro yie ung’wonnae dichiel, kendo ulam Ruoth Nyasaye ma Nyasachu mondo oyie ogol masira malichni kuoma.”

Wuok 12:32

Jambu bende kawuru uago. An bende lamnauru mondo ayud gueth.”

Wuok 8:28

Farao nodwokogi niya, “Abiro weyou udhi mondo utim misango ni Ruoth Nyasaye ma Nyasachu e thim, to mana ka ok udhi mabor ahinya. Omiyo koro kwanauru.”

Wuok 8:4

Bende ginichikre kuomi kendo kuom jogi kod kuom jodongi.’ ”

Wuok 8:8

Farao koro noluongo Musa gi Harun mowachonigi niya, “Kwauru Ruoth Nyasaye mondo ogol ogwende oko kuoma, kendo kuom joga, eka awe jou oa mondo odhi otim misango ni Ruoth Nyasaye.”

Wuok 9:28

lamnwa Ruoth Nyasaye, nikech pe gi polo osegoyowa mohingo tekowa. Asingora ni abiro weyou mondo udhi ma ok urito gimoro kendo.”

Jeremia 37:3

Ruoth Zedekia nooro Jehukal wuod Shelemia kod Zefania wuod Maaseya ma jodolo ir Jeremia mondo giwachne niya, “Yie ilamnwa Ruoth Nyasachwa.”

Zekaria 7:2

Noyudo ka jo-Bethel ooro Sherezer kod Regemelek kaachiel gi ji mamoko mondo okwa gueth kuom Ruoth Nyasaye.

Kwan 12:13

Omiyo Musa noywak niya, “A Ruoth Nyasaye, gima kama kik timre. Akwayi ni yie ichange.”

Kwan 21:7

Omiyo ji nobiro ir Musa, mowachone niya, “Ne waketho kuom ng’ur ni Ruoth Nyasaye kod in. Yie ikwanwa Ruoth Nyasaye mondo ogol thuonde oko kuomwa.” Kuom mano Musa nokwayonigi Ruoth Nyasaye,

Mathayo 5:44

An to awachonu ni nyaka uher wasiku, kendo ulam Nyasaye ni joma sandou,

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Tich Joote 7:60

Eka nogoyo chonge piny, mokok matek niya, “Ruoth, we ni jogi richogi.” To kane osewacho kamano, chunye nochot. Saulo noyie gi nek Stefano.

Tich Joote 8:24

Simon nodwoko Petro gi Johana ni, “Yieuru ulamna Ruoth, mondo gik musewachogo kik timrena.”

Jo-Rumi 12:14

Kwauru Nyasaye mondo oguedh joma sandou. Ee, kwayeuru mondo oguedhgi aguedha, to kik okuong’gi.

Jo-Rumi 12:21

Kik uwe richo lou, to timuru gik mabeyo mondo ulogo richo.

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.

1 Samuel 12:19

Ji duto nowacho ni Samuel niya, “Kwanwa Ruoth Nyasaye ma Nyasachi mondo kik watho, kane wakwayo mondo wabed gi ruoth, to ne wamedo mana richo ewi moko.”

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.