1 Ruodhi 13:4 - MUMA MALER 2015

⁴ Kane ruoth Jeroboam owinjo wach mane ng’at Nyasaye okuong’ogo kendo-mar-misango man Bethel, nogolo bade e misango, mosiemo ng’atno, kowacho niya, “Makeuru!” To bede mane osiemogo ng’atno notal, mi ne ok onyal dole kendo.

Motingʼo Loko Manyien

⁴ Kane ruoth Jeroboam owinjo kaka ngʼat Nyasayeno noywak kokwongʼo kendo mar misango man Bethel norieyo bade kowuok e kendo mar misango kowacho niya, “Makeuru!” To bade mane orieyono kochomo ngʼat Nyasayeno notal mane ok onyal dole.

1 Ruodhi 13:4 ပူးပေါင်းရင်းမြစ်များ

Chakruok 19:11

Eka ne gimiyo wang’ jogo duto mane ni oko odinore, mane ok ginyal yudo dhoot.

1 Ruodhi 12:29

Noketo nyarwath achiel Bethel, yo milambo mar piny Israel, to machielo noketo Dan, yo nyandwat.

1 Ruodhi 13:3

Eka nokor wach chieng’ono, kowacho niya, “Ranyisi ma Ruoth Nyasaye osewacho ni biro timore ema: Kendo-mar-misangoni nobarre, kendo buru manie wiye nopukre.”

1 Ruodhi 13:5

Kendo-mar-misango bende nobarore, mi buru manie wiye nopukore. Mano noluwore gi ranyisi mane ng’at Nyasaye nokoro, mana kaka Ruoth Nyasaye nochiko.

1 Ruodhi 22:27

Wachnigiuru niya, ‘Ruoth owacho ni mondo uket ng’atni e od tuech, kendo umiye mana kuon abang’a gi pi kende, nyaka aduog ka angima.’ ”

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

Zaburi 105:15

“Kik umul joga maseyiero, kendo kik utim ni jonabi maga marach.”

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Mathayo 26:57

Joma ne omako Yesu notere e od Kaiafa, jadolo maduong’ kuma ne jopuonj Chik kod jodong oganda osechokore.

Luka 6:10

Eka norangogi giduto, mowacho ni ng’atno ni, “Rie lweti.” Ng’atno notimo kamano, mi lwete ochango.

Johana 13:20

Adier, awachonu ni ng’at morwako ng’at ma aoro, to orwako mana an, kendo ng’at morwaka, to orwako mana Jal mane oora.”

Johana 18:6

Kane Yesu owachonigi ni, “An e En,” ne gidok chien, mi gipodho piny.

Fweny 11:5

Ka wasikgi dwaro hinyogi, to mach wuok e dhogi kendo tiekogi. Mano e tho ma ng’ato ang’ata madwaro hinyogi nyaka thogo.