1 Ruodhi 13:34 - MUMA MALER 2015

³⁴ Timni nomiyo dhood Jeroboam obedo joketho, mi notiekgi chuth, ma onge modong’ e piny.

Motingʼo Loko Manyien

³⁴ Ma e richo mar od Jeroboam mane omiyo opodho kendo kelone kethruok e wangʼ piny.

1 Ruodhi 13:34 ပူးပေါင်းရင်းမြစ်များ

1 Ruodhi 12:26

Jeroboam ne paro niya,

1 Ruodhi 12:30

Wachni nomiyo jo-Israel obedo joketho, nikech ji moko ne dhi lamo nyarwath man Bethel, to ji moko ne dhi Dan.

1 Ruodhi 14:1

E ndalogo Abija wuod Jeroboam ne tuo.

1 Ruodhi 14:10

Emomiyo abiro keloni masira ni dhoodi, kendo abiro tieko joodi machwo duto koda ka wasumbni, ma onge ng’ati ma nodong’ e Israel, kendo abiro yweyo jodhoodi oko pep, mana kaka ng’ama wang’o owuoyo marum chuth.

1 Ruodhi 14:11

Jadhood Jeroboam moro ma notho e dala, guogi nocham, to mago ma notho oko, winy nocham, nikech Ruoth Nyasaye osewacho kamano.’

1 Ruodhi 14:16

Enojwang’ jo-Israel nikech richo Jeroboam, mane omiyo jo-Isarel bende otimo.”

1 Ruodhi 14:7

Dhi iwach ni Jeroboam ni Ruoth Nyasaye ma Nyasach Israel owacho kama: ‘Ne ayieri e kind ji mondo amiyi duong’. Ne aketi jatend joga Israel,

1 Ruodhi 15:25

E higa mar ariyo mar loch Asa ruodh Juda, Nadab wuod Jeroboam nodoko ruodh Israel. Nobedo ruoth kuom higni ariyo,

1 Ruodhi 15:26

to notimo gik ma Ruoth Nyasaye okwero, koluwo timbe wuon mare, ma nomiyogo jo-Israel obedo joketho.

1 Ruodhi 21:22

Anami dhoodi chal gi dhood Jeroboam wuod Nebat, kendo gi dhood Baasha wuod Ahija, nikech isemiya mirima, kendo nikech isemiyo jo-Israel obedo joricho.

2 Ruodhi 10:29

Kata kamano, ne ok oweyo timo timbe maricho mane Jeroboam wuod Nebat omiyo jo-Israel otimo, nimar ji ne pod lamo nyiroye mag dhahabu mane ni Bethel gi mane ni Dan.

2 Ruodhi 10:31

To Jehu ne ok odewo rito chik Ruoth Nyasaye ma Nyasach Israel gi chunye duto. Nomedo timo richo mane Jeroboam omiyo jo-Israel otimo.

2 Ruodhi 17:21

Kane Ruoth Nyasaye opogo jo-Israel kuom dhood Daudi, jo-Israel noketo Jeroboam wuod Nebat ruoth. Mi Jeroboam nohoyo jo-Israel mondo owe luwo Ruoth Nyasaye, kendo nomiyo gidonjo e richo maduong’.

Ngeche 13:6

Tim makare rito ng’at modimbore. Timbe maricho to tieko joricho.

Jeremia 28:16

Omiyo Ruoth Nyasaye owuon wacho ni obiro tieki e wang’ pinyni, nimar ibiro tho ka pok higani orumo, nikech isejiwo ji mondo otamre mako chikne.”

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”