1 Ruodhi 13:26 - MUMA MALER 2015

²⁶ Kane janabino owinjo wachno, nowacho niya, “Nyaka bed ni en ng’at Nyasaye mane ok orito wach Ruoth Nyasaye cha. Emomiyo Ruoth Nyasaye osechiwe ni sibuor, ma koro osenege mokidhe, mana kaka Ruoth Nyasaye nowachone.”

Motingʼo Loko Manyien

²⁶ Kane janabi mane odwoge chien e wuodhe owinjo ma nowacho niya, “En ngʼat Nyasaye mane ochayo wach Nyasaye. Jehova Nyasaye osechiwe ni sibuor mosekidhe kendo onege mana kaka wach Jehova Nyasaye nosesieme.”

1 Ruodhi 13:26 ပူးပေါင်းရင်းမြစ်များ

2 Samuel 12:10

Emomiyo koro lweny ok norum e dhoodi, nikech isechaya, kendo isekawo chi Uria ja-Hiti obedo chiegi.’

2 Samuel 12:14

To kata kamano nyathi monywolni biro tho, nikech isechayo Ruoth Nyasaye.”

1 Ruodhi 13:25

Ji mane kadho kanyo noneno ringre koriere e yo, kod sibuor kochung’ bute, mi ne gitero wach e dala janabi moti cha.

1 Ruodhi 13:27

Eka noko ni yawuote ni, “Gawnauru kanyna.” Mi ne gitimo kamano.

Zaburi 119:120

Luoro ma aluorigo miyo denda tetni. Buche ming’ado bende miyo kihondko maka.

Ngeche 11:31

Ka ng’at maber yudo pokne e piny ka, to ong’ere ni jaricho noyud kum mak orem.

Ezekiel 9:6

Neguru joma dongo gi joma tindo, chwo gi mon, mine gi nyithindo, to kik umul ng’ato ang’ata man gi kido e lela wang’e. To chakuru timo kamano mana gie Hekalu mara.” Omiyo ne gichako mana gi jodongo mane ochung’ e Hekalu.

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

1 Jo-Korintho 11:30

Mano emomiyo joma ng’eny kuomu tuo kendo nigi midekre, kendo moko osetho.

1 Petro 4:17

Ndalo mar ng’ado bura osechopo, kendo jo-Nyasaye ema ikwongo ng’ad nigi bura! To ka wan ema bura ochakore kuomwa kamano, to jogo ma otamore winjo Wach Maber mar Nyasaye to nobed nadi,