1 Ruodhi 13:21 - MUMA MALER 2015

²¹ mi nowacho ni ng’at Nyasaye mane oa Juda niya, “Ruoth Nyasaye owacho kama: Isedagi winjo wach Ruoth Nyasaye ma Nyasachi ochiki,

Motingʼo Loko Manyien

²¹ Noywak ne ngʼat Nyasaye mane oa Juda mowacho niya, “Ma e gima Jehova Nyasaye wacho: ‘Isedagi winjo wach Jehova Nyasaye kendo ok iserito chik mane Jehova Nyasaye ma Nyasachi omiyi.

1 Ruodhi 13:21 ပူးပေါင်းရင်းမြစ်များ

Chakruok 3:7

Kane gisechamo olembego wengegi noyepo mi ne gifwenyo ni gin duge. Omiyo ne gitwang’o oboke, mi gigeng’orego.

2 Samuel 24:13

Omiyo Gad nodhi ir Daudi mopenje niya, “Ere gima iyiero? Idwaro mondo kech omak pinyu kuom higni adek? Koso idwaro ringo wasiki kuom dueche adek ka gilawi? Koso tho malit mondo obed e pinyu kuom ndalo adek? Parane, inyisa gima dadwok jal moora.”

2 Samuel 6:7

To Ruoth Nyasaye nokecho kode, mochwade kanyo nikech nomako Sanduk. Mi notho but Sanduk mar Nyasaye.

1 Ruodhi 13:17

nikech wach Ruoth Nyasaye nobirona ni kik achiem kata kik amadh gimoro, kendo kik adog gi yo mane abirogo.”

1 Ruodhi 13:20

To kane pod gichiemo, wach Ruoth Nyasaye nobiro ni janabi mane oomeno,

1 Ruodhi 13:22

to iseduogo michiemo kama nokweri ni kik ichiemie kata kik imethie. Emomiyo ringri ok noyik gi kwereni.”

1 Ruodhi 20:36

Eka nowachone ni, “Isedagi winjo wach Ruoth Nyasaye, omiyo sibuor biro negi kiwuok kuoma ka.” Gikanyono mane owuokie, noromo gi sibuor monege.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

Kwan 20:12

To Ruoth Nyasaye nowacho ni Musa gi Harun niya, “Ne ok ugena moromo nyiso jo-Israel ni an ng’ama ler! Kuom mano ok unyal tero ogandani nyaka piny mane asingora ni namigi.”

Kwan 20:24

“Harun biro tho, mi luw kwerene, to ok nodonji e piny ma nasingora ni nami jo-Israel, nikech nudagi rito chikna kuom pi Meriba.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.

1 Samuel 15:19

Koro marang’o ne ok iwinjo dwond Ruoth Nyasaye, mitimo gima rach e nyime, kimwomori, kendo ipeyo mwandu?”

1 Samuel 4:18

Kane Eli owinjo wach Sanduk mar Nyasaye, nogore piny ataro, koa e kom ma nobetie but rangach, mi ng’ute notur, motho nikech ne en jaduong’ moti, kendo nopek. Nosebedo jang’ad bura ni jo-Israel kuom higni piero ang’wen.