1 Ruodhi 13:2 - MUMA MALER 2015

² Ng’at Nyasayeno nokuong’o kendo-mar-misango kaka Ruoth Nyasaye nochike, koywage niya, “Yaye, kendo-mar-misango! Yaye, kendo-mar-misango! Ruoth Nyasaye owacho kama: Enonywol wuowi e dhood Daudi, ma nochak nyinge ni Josia. Enoneg jodolo mag hembko man kuonde moting’ore, ma wang’o ubani kuomi, kendo enowang’ choke ji kuomi.”

Motingʼo Loko Manyien

² Noywak kokwongʼo kendo misangono kaluwore gi wach Jehova Nyasaye: “Yaye kendo mar misango! Yaye kendo mar misango! Ma e gima Jehova Nyasaye wacho, ‘Wuowi miluongo ni Josia ibiro nywol e od Daudi. Kuomi e nochiwe jodolo mag kuonde motingʼore makoro chiwo misengini kuomi, kendo choke dhano ibiro wangʼ kuomi.’ ”

1 Ruodhi 13:2 ပူးပေါင်းရင်းမြစ်များ

1 Ruodhi 13:32

nimar wach Ruth Nyasaye nochopo kare, kaka jali nowacho kokuong’o kendo-mar-misango man Bethel, kod ut lemo manie hembko mag miech Samaria.”

2 Weche mag Ndalo 34:1

Josia ne jahigni aboro kane odoko ruoth, morito piny kuom higni piero adek gachiel, kodak Jerusalem.

2 Weche mag Ndalo 34:3

E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.

Isaya 1:2

Winjuru un polo gi piny, kendo chikuru itu, nikech Ruoth Nyasaye osewuoyo, ka wacho niya, “An gi nyithindo ma asepidho modoko madongo, to koro gisepiem koda.

Isaya 42:9

Neuru kaka gik mane akoro osetimore. To koro anyisou gik manyien ma biro timore. Adier, ahulonugi kapok gitimore.”

Isaya 46:10

Anyiso giko mar gimoro mana e kinde ma ochakoree. Nyaka nene asebedo ka ahulo gik ma pok otimore, ka awacho niya, “Gima awacho nyaka timre. Omiyo abiro timo gimoro amora ma adwaro.”

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Jeremia 1:2

Wach Ruoth Nyasaye nobirone e higa mar apar gadek mar loch Josia wuod Amon, ruodh Juda,

Jeremia 22:29

“Yaye, piny, piny! Winjuru wach Ruoth Nyasaye.

Ezekiel 36:1

Ruoth Nyasaye nowachona niya, “Wuod dhano, wuo gi gode mag Israel, mondo inyisgi giwinj wach ma an Ruoth Nyasaye awachonigi.

Ezekiel 36:4

Kuom mano, un gode mag Israel, winjuru gima an Ruoth Nyasaye awacho ni gode madongo gi matindo kendo ni aore kod holni, kaachiel gi kuonde mane owe kokethore kod mier mane odong’ gundni, mane ogendini mokiewo gi jo-Israel oyako kendo onyiero.

Ezekiel 38:4

Abiro mbedo dhogi gi mbedo, mi awichi, kendo aywayi oko kaachiel gi jogi duto mag lweny. Ogandani mar lweny, kod farese gi joidh farese morwakore gi lep lweny, ng’eny ahinya. Jalweny ka jalweny omanore gi kuode kod liganglane.

Luka 19:40

To nodwokogi ni, “Awachonu ni, ka giling’ to kara koda ka kitegi bende biro kok!”

Rapar mar Chik 32:1

“In polo, chik iti ka awuoyo! In piny, winj wechena!