1 Ruodhi 13:18 - MUMA MALER 2015

¹⁸ Janabi motino nowuonde, kawachone niya, “An bende an janabi kaka in, kendo malaika osekelona wach Ruoth Nyasaye ni mondo abi aomi, wadhi e oda, ichiem.”

Motingʼo Loko Manyien

¹⁸ To janabi motino nodwoke niya, “An bende an janabi mana kaka in. Kendo malaika nowuoyo koda gi wach Jehova Nyasaye kawachona ni, ‘Duog kode e odi mondo mi ochiem kendo omodh pi.’ ” To kata kamano nowuonde.

1 Ruodhi 13:18 ပူးပေါင်းရင်းမြစ်များ

Chakruok 27:24

Kata kamano nomedo penje niya, “In Esau wuoda adier.” Jakobo nodwoke niya, “Ee, an.”

Chakruok 3:13

Eka Ruoth Nyasaye nopenjo dhako ni, “Ang’o momiyo nitimo kamano?” Nodwoke niya, “Thuol ema nowuonda, machamo olemono.”

1 Ruodhi 13:19

Omiyo nodok kode, mochiemo e ode.

1 Ruodhi 20:35

Wach Ruoth Nyasaye nobiro ni ng’at achiel kuom oganda jonabi, mowacho ni wadgi ni, “Yie igoya!” To jalo nodagi goye.

1 Ruodhi 22:22

Ruoth Nyasaye nopenje niya, ‘Ere kaka ibiro hoye?’ Nodwoke niya, ‘Abiro dhi bet roho mar miriambo e dho jonabini duto.’ Ruoth Nyasaye noyie ni, ‘Ee, in ema ibiro hoye, kendo iniloye. Dhiyo itim kamano.’

Ngeche 12:19

Adier ok tow nyaka chieng’. Miriambo to ok deki.

Ngeche 12:22

Ruoth Nyasaye mon gi jomriambo, to omor gi joma wacho adiera.

Ngeche 19:5

Janeno ma jamriambo ok nyal tony mak okum. Adier, ng’at ma wacho miriambo lilo ok tony.

Isaya 36:10

Koso iparo ni asebiro mana ni mondo amonj amonja Jerusalem, akethi, ka ok Ruoth Nyasaye ema oyiena? Ng’eni Ruoth Nyasaye ema nowachona ni mondo abi amonj pinyni akethi.”

Isaya 9:15

(Wich en joma oti kod joma ogen, to yip en jonabi mawacho miriambo.)

Jeremia 23:14

To bende aseneno ka jonabi mag Jerusalem timo mana gik mamono. Giterore, to kendo giwacho miriambo, bende gijiwo joma timo richo, omiyo onge ng’ama nyalo weyo timbene maricho. Giduto gichalna gi jo-Sodom gi jo-Gomora.

Jeremia 23:17

Gisiko ka giwacho ni ji motamore winjo wachna niya, ‘Gik moko duto biro dhinu maber.’ Bende giwacho ni joma wigi tek ni masira ok nomakgi.

Jeremia 23:32

Winjuru gima awacho, an Ruoth Nyasaye! Amon gi jonabi mahulo lek mag miriambo, nimar giwito joga kod sungagi gi lekgigo. Ne ok aorogi, bende ne ok achikogi mondo gidhi gitim kamano, omiyo onge gima gikonyogo jogagi. An Ruoth Nyasaye ema awacho.”

Jeremia 29:31

mondo oor wach ni ji duto mane oter Babulon e tuech, konyisogi gima ne Ruoth Nyasaye owacho kuom Shemaya.

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Jeremia 5:12

Jo-Ruoth Nyasaye osekwede, ka giwacho niya, “Ok obi timo gimoro. Onge masira moro, kaka lweny kata kech, ma nobi kuomwa.”

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Ezekiel 13:22

“Unyoso chuny joma kare gi miriambo, to an ok adwar mondo unyos chunygi. Bende ujiwo chuny joma timbegi mono, mi gidagi weyo timbegi mamonogo, mondo gires ngimagi.

Ezekiel 13:8

“Kuom mano, an Ruoth Nyasaye awachonigi kama: “Amon kodu nikech wecheu gin miriambo, kendo fweny ma uneno ok gin madier.

Kwan 22:35

To malaika mar Ruoth Nyasaye nowachone niya, “Dhiyo adhiya gi jogo, to nyaka iwach mana gima abiro nyisi.” Omiyo Balaam nodhi adhiya gi jodong Balak.

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Mathayo 7:15

“Beduru motang’ ni jonabi mag miriambo, mabiro iru korwakore gi lep rombe, to chutho gin mana ondiegi mangemo!

Jo-Rumi 16:18

nikech ok gin jotich Ruodhwa Yesu Kristo, to gitiyo mana ni gombogi giwegi. Giwuondo joma kia gi weche mamit kendo malombo ji.

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

Jo-Galatia 1:8

To kata ka ng’ato dipuonju Wach Maber machielo ma ok mano mane wapuonjou, bed ni en wan, kata mana malaika mar polo, to Nyasaye mondo okuong’e.

1 Timotheo 4:1

Roho wacho malong’o ni e ndalo giko, ji moko nowe yie marwa, ka gichiko itgi ni puonj mag jochiende ma miyo ji lal.

1 Timotheo 4:2

Jopuonj mag miriambo ma parogi odinore ka gima owang’ gi nyinyo maliet nowuond ji,

2 Petro 2:1

To jonabi mag miriambo bende nowuok kuom oganda Nyasaye e ndalo mokadho. Kamano bende e kaka jopuonj mag miriambo biro wuok kuomu. Ginikel ling’ling’ puonj mag miriambo maketho ji, kendo ginikwed kata mana Ruoth mane owarogi, mi gimi tiekgi piyopiyo nono.

1 Johana 4:1

Osiepena, kik uyie ni ji duto mawacho ni nigi Roho, nigi Roho adier, to temgiuru mondo une ane ka Roho ma gin-go oa kuom Nyasaye, nikech johul wach mang’eny mag miriambo osebiro e piny

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Jong’ad Bura 13:3

Chieng’ moro malaika mar Nyasaye nofwenyore ni chiegeno, mowachone niya, “In dhako ma migumba ma onge nyathi, to ibiro mako ich, mi inywol nyathi ma wuowi.