1 Ruodhi 12:32 - MUMA MALER 2015

³² Jeroboam nogolo chik mondo otim sawo due apar gabich, due mar aboro, machal gi sawo mane jo-Juda timo, kendo notimo misango ni nyiruedhi mane oloso Bethel. Nogolo jodolo matiyo e hembko mane oseloso, moketo Bethel.

Motingʼo Loko Manyien

³² Nochako nyasi mar sawo chiengʼ mar apar gabich mar dwe mar aboro machal gi nyasi mar sawo mitimo Juda, mi notimo misengini e kendo mar misango. Ma notimo Bethel kotimo misango ni nyiroye mane oseloso. Kendo bende noketo jodolo Bethel e kuonde motingʼore mane oseloso.

1 Ruodhi 12:32 ပူးပေါင်းရင်းမြစ်များ

1 Ruodhi 13:1

To Ruoth Nyasaye nosewacho ni jatichne moro mondo oa Juda odhi Bethlehem, mi jalo nodhi moyudo Jeroboam kochung’ e dho kendo-mar-misango kawang’o misango.

1 Ruodhi 13:33

To kata kamano, Jeroboam ne ok oweyo yorene maricho, to nomedo keto jomoko nono mondo obed jodolo ma rito hembko man kuonde moting’ore, kopwodho ng’ato ang’ata ma ne dwaro bedo jadolo.

1 Ruodhi 8:2

Mi jo-Israel duto nochokore gi ruoth Solomon chieng’ sawo ma nitimo higa ka higa e due mar abiriyo miluongo ni Ethanim.

1 Ruodhi 8:5

Ruoth Solomon gi jo-Israel duto ma nochokore kode ne nie nyim Sanduk, ka gitimo misengni gi rombe kod ruedhi mokadho akwana.

Wuok 32:5

To kane Harun owinjo gima giwachono, nogero kendo-mar-misango e nyim nyaroyano. Eka nogoyo milome, kowacho niya, “Kiny wanatim sawo mwamiyogo Ruoth Nyasaye duong’.”

Ezekiel 43:8

Ruodhigigo nogero utegi mana momakore gi Hekaluna, mi kor ot kende ema opogo kinda kodgi. Gik modwanyore mane gitimo nokelo ni nyinga maler wichkuot, omiyo ne atiekogi ka an gi mirima mager.

Jong’ad Bura 17:5

To Mikano ne nigi kare owuon mar lemo. Noloso kido moko manono molosonigi pasia, kendo noketo wuode moro mobedo jadolone.