1 Ruodhi 12:20 - MUMA MALER 2015

²⁰ Kane jo-Israel duto owinjo ni Jeroboam oseduogo, ne giluonge e chokruok mi gikete ruodh Israel duto. Onge joma nodok ni Rehoboam kod jood Daudi mak mana jo-Juda kende, gi jo-Israel mane odak e dier jo-Juda.

Motingʼo Loko Manyien

²⁰ Kane jo-Israel duto nowinjo ni Jeroboam ne osedwogo, ne giorone jaote ma giluonge e chokruok, kendo gikete ruodh jo-Israel duto. Mana dhood Juda kende ema nodongʼ jo-adiera ni od Daudi.

1 Ruodhi 12:20 ပူးပေါင်းရင်းမြစ်များ

2 Samuel 20:2

Omiyo jo-Israel duto noweyo Daudi kendo ne giluwo Sheba wuod Bikri. To jo-Juda nomedo kowo ruodhgi gi chuny achiel, ka gia Jordan nyaka Jerusalem.

1 Ruodhi 11:13

Kata kamano ok anagole duto, to anawene dhoot achiel, nikech ahero Daudi jatichna, kendo nikech dala Jerusalem ma aseyiero.”

1 Ruodhi 11:26

Jatich Solomon moro bende nopiem kode. Ne ne Jeroboam wuod Nebat, ja-Efraim ma ja-Zareda. Nying min mare ne Zerua, ma chi liel.

1 Ruodhi 11:32

to Solomon nodong’ gi dhoot achiel, mana nikechh ahero Daudi jatichna, kendo nikech Jerusalem dala maseyiero kuom dhoudi duto mag Israel.

1 Ruodhi 11:35

To abiro golo loch e lwet wuode, mi amiyi dhoudi apar.

1 Ruodhi 11:36

Wuode to abiro miyo dhoot achiel, mondo Daudi jatichna obed gi taya maliel e nyima e Jerusalem, dala maseyiero mondo aketie nyinga.

1 Ruodhi 11:37

To abiro kawi, mondo ibed ruodh Israel kaka chunyi dwaro.

1 Ruodhi 12:17

Mi jo-Israel nodok miechgi.

2 Ruodhi 17:21

Kane Ruoth Nyasaye opogo jo-Israel kuom dhood Daudi, jo-Israel noketo Jeroboam wuod Nebat ruoth. Mi Jeroboam nohoyo jo-Israel mondo owe luwo Ruoth Nyasaye, kendo nomiyo gidonjo e richo maduong’.

Hosea 11:12

Ruoth Nyasaye wacho niya, “Jo-Israel osemera gi miriambo kod wuond, kendo jo-Juda bende pod osiko odagi wachna, an Ng’ama kare kendo maler.

Hosea 8:4

Joga yiero ruodhi maggi, to gitimo kamano ma ok gipenja. Bende giyiero jotelo ka ok ayie. Gikawo fedha gi dhahabu ma gin-go, kendo giloso nyiseche manono ma biro kelonigi mana masira.

1 Samuel 10:24

Samuel nowacho ni ji duto niya, “Neuru jal ma Ruoth Nyasaye oyiero. Onge ng’at machal kode kuomu duto.” Mi ji duto nokok kawacho niya, “Ruoth mondo odag aming’a!”