1 Ruodhi 12:19 - MUMA MALER 2015

¹⁹ Chakre chieng’no, joi-Israel osebet ka dagi loch dhood Daudi nyaka chil kawuono.

Motingʼo Loko Manyien

¹⁹ Kuom mano Israel nongʼanyo ni joka Daudi nyaka chil kawuono.

1 Ruodhi 12:19 ပူးပေါင်းရင်းမြစ်များ

1 Ruodhi 11:13

Kata kamano ok anagole duto, to anawene dhoot achiel, nikech ahero Daudi jatichna, kendo nikech dala Jerusalem ma aseyiero.”

2 Ruodhi 17:21

Kane Ruoth Nyasaye opogo jo-Israel kuom dhood Daudi, jo-Israel noketo Jeroboam wuod Nebat ruoth. Mi Jeroboam nohoyo jo-Israel mondo owe luwo Ruoth Nyasaye, kendo nomiyo gidonjo e richo maduong’.

2 Weche mag Ndalo 10:19

Chakre chieng’no, jo-Israel osebet ka dagi loch dhood Daudi nyaka chil kawuono, mak mana jo-Israel mane odak e dier jo-Juda kende ema nobet e bwo loch Rehoboam.

2 Weche mag Ndalo 13:17

Abija kod joge ne onegogi malich ahinya, mi jo-Israel marateke moyier alufu mia abich notho.

Isaya 7:17

To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Ezekiel 37:16

“Wuod dhano, kaw luth moro, indikie ni, ‘Jo-Juda’, eka ichak ikaw luth machielo, indikoe ni, ‘Jo-Israel ma nyikwa Josef, kata nyikwa Efraim.’

Jo-Hibrania 6:6

to bang’e odok chien, ok nyal dwoki mi chak lokre kendo, nimar gin giwegi giguro Wuod Nyasaye e msalaba, kendo gimiyo ichaye ratiro.

Joshua 4:9

Bende Joshua nochungo kite apar gariyo moko e dier aora Jordan, kama jodolo mane oting’o Sandug Muma ochung’ie, kendo kitego pod ni kanyo nyaka chil kawuono.

1 Samuel 10:19

To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”