1 Ruodhi 12:18 - MUMA MALER 2015

¹⁸ Ruoth Rehoboam nooro Adoram mane jarit jogo michuno mondo oti githwon, to jo-Israel duto nogoye gi kite nyaka otho. Kuom mano, ruoth Rehoboam noidho gache piyopiyo, moringo nyaka Jerusalem mondo otony.

Motingʼo Loko Manyien

¹⁸ Ruoth Rehoboam nooro Adoniram mane jarit joma ichuno mondo oti githuon, to jo-Israel duto nochiele gi kite motho. Kata kamano ruoth Rehoboam nonwangʼo thuolo moidho gache nyaka Jerusalem mondo otony.

1 Ruodhi 12:18 ပူးပေါင်းရင်းမြစ်များ

2 Samuel 20:24

Adoram ne jarit joma nichuno gi thwon mondo oti. To Jehoshafat wuod Ahilud ne jachan weche.

1 Ruodhi 4:6

Ahishar ne jaduong’ e od ruoth, kendo Adoniram wuod Abda ne jarit jogo ma nichuno mondo oti gi thwon.

1 Ruodhi 5:14

Due ka due nooro ji alufu apar kuomgi Lebanon. Ne gitiyo kuno kuom due achiel, to ne giyueyo dala kuom dueye ariyo. Adoram ne en jarit joma nichuno mondo oti gi thwon-go.

2 Weche mag Ndalo 10:18

Ruoth Rehoboam nooro Adoram mane jarit joma ichuno mondo oti gi thwon, to jo-Israel duto nogoye gi kite nyaka otho. Kuom mano ruoth Rehoboam noidho geche piyopiyo, moringo nyaka Jerusalem mondo otony.

2 Weche mag Ndalo 24:21

To ne giriwore ni Zekaria mi ne gigoye gi kite e laru mar Od Ruoth Nyasaye kaka ruoth nochikogi, mi otho.

Wuok 17:4

Kane Musa owinjo kamano nokwayo Ruoth Nyasaye gi chunye duto, kopenjo niya, “Abiro timo ang’o gi jogi, nimar gichiegni goya gi kite?”

Amos 2:16

To kata mana jolweny mathuondi moloyo noring duge chieng’no.”

Kwan 14:10

To kar dwokogi, oganda jo-Israel nobwogogi mana ni goyogi mana gi kite, to sano duong’ mar Ruoth Nyasaye nothinyorenigi duto e Hemb Romo.

Tich Joote 5:26

Eka jatend jorit Hekalu nodhi gi askechene, mokelo joote mos, mak gitimo kodgi koko, nikech ne giluoro ni dipo ka ji ogoyogi gi kite.