1 Ruodhi 12:13 - MUMA MALER 2015

¹³ Ruoth nodwokogi kager. Noweyo rieko mane jodongo ong’adone,

Motingʼo Loko Manyien

¹³ Ruoth nodwoko jogo gi gero. Notamore tiyo gi rieko mane jodongo ongʼadone,

1 Ruodhi 12:13 ပူးပေါင်းရင်းမြစ်များ

Chakruok 16:6

Abram nodwoke niya, “Jatichnino nie lweti. Inyalo timone gima ihero.” Omiyo Sarai nothago Hagar, nyaka Hagar noringo moa.

Chakruok 42:30

Ne giwachone niya, “Ruodh pinyno nowuoyo kodwa gi gero kowachonwa ni wan jombetre, modhi chengo pinyno.

Chakruok 42:7

Kane Josef onenogi, nong’eyogi, to kata kamano nowuondore ka ng’ama kiagi. Nowuoyo kodgi gi gero kopenjogi niya, “Ua kure?” Ne gidwoke ni, “Waa Kanaan, mondo wabi warund cham.”

2 Samuel 19:43

Jo-Israel nodwoko jo-Juda kendo niya, “Wan dhoudi apar e piny Daudi, omiyo owinjore wabed kode moloyo un! Marang’o ujarowa? Donge wan ema ne wakwongo paro wach duogo ruoth?” To kata kamano weche jo-Juda ne ger moloyo weche jo-Israel.

1 Ruodhi 12:12

Chieng’ mar adek, Jeroboam gi oganda nobiro ir ruoth Rehoboam, kaka nochikogi mondo gidog ire.

1 Ruodhi 12:14

to noluwo rieko mbesene, kowacho niya, “Wuora nomiyou ting’ mapek, an to abiro medou moloyo. Wuora nochwadou gi del, an to abiro chwadou gi thomoni.”

Wuok 10:28

Nowacho ni Musa niya, “Aye e wang’a! To bende kik ichak inena, nikech chieng’ minenae kendo to nitho!”

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Ngeche 10:11

Weche ng’at makare, gin soko mar ngima, to weche jaricho, pando masira e igi.

Ngeche 10:32

Ng’at makare ong’eyo gima onego owachi e sa mowinjore. Joricho to pile wacho gik machwanyo ji.

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Ngeche 18:23

Jachan kawuoyo to ywagore. Jamoko to wuoyo mana gi gero.

Eklesiastes 10:12

Weche ma ng’at mariek wacho, kelone luor. Ng’at mofuwo to tiekore kende owuon gi wechene.

Eklesiastes 2:19

To ere ng’ama ong’eyo ka ng’at ma biro luwano nobed mariek kata mofuwo? To kata bed ni oriek kata ofuwo, to pod nokaw akawa gimoro amora ma lucha gi riekona osekelo e pinyka. Mano bende en mana gima nono.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

1 Samuel 20:10

Daudi nopenjo Jonathan niya, “To ere ng’ama nokelna wach, kapo ni wuoru odwoki gi gero?”