1 Ruodhi 11:7 - MUMA MALER 2015

⁷ Nogero ut lemo ni Kemosh, nyasach jo-Moab, kendo ni Molek, nyasach jo-Amon, ewi got yo wuok chieng’ mar Jerusalem.

Motingʼo Loko Manyien

⁷ Ewi got moro yo wuok chiengʼ mar Jerusalem, Solomon nogero kama otingʼore gi malo ni nyasach dwanyruok mar Moab miluongo ni Kemosh kod nyasach dwanyruok mar jo-Amon miluongo ni Molek.

1 Ruodhi 11:7 ပူးပေါင်းရင်းမြစ်များ

Chakruok 33:2

Noketo monde ma jotichgo gi nyithindgi mondo otel, eka Lea gi nyithinde noluwogi, to Rahel gi Josef ema noketo chien.

2 Samuel 15:30

To Daudi noidho got Zeituni ka ywak, koumo wiye, kendo ka en gi tiende nono. Ji duto mane ni kode bende noidho got koumo wigi, kendo ka ywak.

1 Ruodhi 11:5

Solomon ne lamo Ashtoreth, nyasaye ma dhako mar jo-Sidon, kod Milkom, nyasach jo-Amon.

1 Ruodhi 11:6

Notimo gik ma Ruoth Nyasaye okwero, kendo ne ok ohero Ruoth Nyasaye chutho kaka Daudi wuon mare nohero.

1 Ruodhi 11:8

Kamano e kaka notimo ni mondene duto ma nyi pinje mamoko, mane wang’o ubani kendo timo misengni ni nyisechegi.

1 Ruodhi 15:12

Noriembo joterruok mag kuonde lemo, kodarogi e pinye, kendo nogolo nyiseche manono mane kwerene oloso.

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

2 Weche mag Ndalo 21:11

Bende noloso hembko mane ni kuonde moting’ore e piny gode mag Juda, momiyo jo-Jerusalem oweyo Ruoth Nyasaye, kendo omiyo jo-Juda oruenyo.

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Isaya 44:19

Ng’at machal kamano onge gi paro kata rieko ma onyalo penjorego kende niya, “Bath yadhni konchiel ne achwako, mi atedogo makati. Bende asebuloe ring’o mi achamo, to koro ere kaka dalok dire konchiel modong’ bed nyasaye? Koso ere gima omiyo onego akulra piny, kalamo mana osiki motong’ mar yath?”

Jeremia 32:31

Dalani osemiya mirima mager, chakre chieng’ mane ogeree nyaka chil kawuono, kendo asechano mondo akethe

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Jeremia 48:13

Bang’e jo-Moab noyud ni Kemosh nyasachgi ok nyal konyogi, mana kaka jo-Israel noyudo ni Bethel ma nyasachgi mane gigeno kuome ne ok nyal konyogi.

Jeremia 48:46

Ywaguru jo-Moab! Joma ne lamo Kemosh koro osetieki, kendo yawuotgi gi nyigi osemak moter e tuech.

Ezekiel 18:12

Othiro joma odhier, bende omecho, kendo otamore dwoko gima osingne. Olamo nyiseche manono, kendo otimo timbe modwanyore,

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Daniel 12:11

“Chakre chieng’ ma ji nowee timo misengni mitimo pile, tiende ni chakre kinde ma ochungie gima kuero makelo kethruok, ndalo alufu achiel gi mia ariyo gi piero ochiko nokadhi.

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Mika 1:5

Mago duto biro timore nikech jo-Israel oseketho, mi oweyo Nyasaye. Ere joma omiyo jo-Israel oweyo Nyasaye kamano? Gin mana jo-Samaria! Koso ere joma timo richo mar lamo nyiseche manono e piny Juda? Donge gin mana jo-Jerusalem?

Zekaria 14:4

Chieng’no enochung’ e got Zeituni, ma omanyore gi Jerusalem yo wuok chieng’, kendo godno nobarre mi hoho maduong’, mochakore yo wuok chieng’ nyaka podho chieng’, poge ariyo. Bath got konchiel nodog yo nyandwat to bathe komachielo nodog yo milambo.

Kwan 21:29

A yaye Moab! Uromo, un jo-Kemosh. Kemosh oseriembo yawuote, moringo, kendo osemiyo Sihon ruodh Amor omako nyige.

Kwan 33:52

Nyaka uriemb ji duto modak e pinyno mondo owenu thuolo, kendo uketh kido maggi mopa kod mag mula moleny

Mathayo 26:30

Bang’ mano ne giwer, to kane gisewer, ne giwuok gidhi e got Zeituni.

Tich Joote 1:12

Bang’e joote nodok Jerusalem koa Got Zeituni, ma en kama bor ma dirom kilomita achiel gi Jerusalem.

Tich Joote 1:9

Kane osewacho kamano, ne otere malo e polo ka ging’iye mi olalnigi nono e bor polo.

Tich Joote 7:43

Ooyo, ne uting’o mana hemb Molek kod sulue mar Refan, ma gin nyiseche mane useloso mondo ulam. Kuom mano, koro abiro darou, mi ateru mabor, tok Babulon.’

Rapar mar Chik 13:14

to nonuru wachno matut. Koyud ni gima kuero kamano osetimore kuomu adier,

Rapar mar Chik 27:15

“ ‘Okuong’ ng’at moloso kido mar nyasaye manono mar bao kata mar chuma, kata bed ni oketo gino kama opondo. Mano en tim makuero e nyim Ruoth Nyasaye.

Jong’ad Bura 11:24

“Donge un udak e piny mane Kemosh nyasachu omayo wegi, momiyou? Kamano e kaka wan bende nyaka wadag adaga e piny mane Ruoth Nyasaye ma Nyasachwa omiyowa.