1 Ruodhi 11:23 - MUMA MALER 2015

²³ Nyasaye nomiyo Razon wuod Eliada bende obedo jasik Solomon. Jali noseringo moweyo ruodhe Hadadezer ma ruodh Zoba,

Motingʼo Loko Manyien

²³ Kendo Nyasaye nochako omiyo Rezon wuod Eliada mane oringo oa ir ruodhe ma Hadadezer ruoth Zoba obedo jasik Solomon.

1 Ruodhi 11:23 ပူးပေါင်းရင်းမြစ်များ

2 Samuel 10:8

Jo-Amon nowuok, mi ne giriedo ni lweny e dhoranga dala, to jo-Aram ma Zoba, kod ma Rehob, kaachiel gi jo-Tob kod jo-Maaka nochanore e pap.

2 Samuel 16:11

Eka nomedo wacho ni Abishai kod joge duto niya, “Uneno ka wuoda manywolo ema dwaro nega. To ka kamano, koro ja-Benjaminni to didwar nega machal nadi! Weye okuong’a akuong’a kamano, nikech ruoth Nyasaye ema osechike.

2 Samuel 8:3

Bende Daudi noloyo Hadadezer wuod Rehob, ma ruodh Zoba, e kinde mane ruodhno dhiyo chungoe rapar mar lochne e lweny but aora Yufrate.

2 Samuel 8:5

To kane jo-Aram moa Damaski obiro mondo okony Hadadezer ruodh Zoba, Daudi nonego ji alufu piero ariyo kuomgi.

2 Samuel 8:8

Bende noyako mula mogundho Beta kod Berothai, ma miech Hadadezer.

1 Ruodhi 11:14

Eka Ruoth Nyasaye nomiyo Hadad ja-Edom obedo jasik Solomon; ne en ja dhood gi ruodh Edom.

1 Ruodhi 11:22

Farao nopenje ni, “Ang’o moremi kuoma ka, momiyo idwaro dok thuru?” Nodwoke niya, “Onge gimoro, to weya aweya mondo adhi.” Kamano e kaka Hadad nodoko jasik jo-Israel, mi othagogi. Nobedo ruodh Edom.

1 Ruodhi 15:18

Eka Asa nokawo fedha gi dhahabu duto ma nodong’ kuom mwandu mag Od Ruoth Nyasaye kod mag ode owuon, momiyo jotichne mondo okow ni Ben-hadad ruodh Aram, ma wuod Tabrimmon, wuod Hezion, ma nodak Damaski. Noorone wach niya,

1 Weche mag Ndalo 19:6

Hanun gi jo-Amon noneno ni gisemiyo Daudi ojok kodgi, omiyo ne gioro fedha moromo kilo alufu piero adek mondo giholgo geche lweny gi joma diidhgi kuom jo-Aram-naharaim gi jo-Aram-Maaka kod jo-Zoba.

Ezra 1:1

E higa mokwongo mar loch Kuros ruodh Persia, Ruoth Nyasaye nomiyo wachne mane Jeremia okoro, otimore. Nomiyo Kuros ruodh Persia ogoyo milome e pinje duto,, kendo olando wach gi barua, kowacho niya:

Zaburi 60:1

A Nyasaye, isedagiwa, kendo isemiyo olowa. Mirima osemaki kodwa, to koro yie iduog irwa.

Isaya 13:17

Abiro kelo jo-Media, ma ok dew fedha kata ok gomb dhahabu, mondo omonjgi.

Isaya 37:26

To in Senakerib, kata obedo ni iwacho kamano, donge ing’eyo ni an Ruoth Nyasaye ema ne achano chon mondo gigo otimre? Adier, ne achanogi chon, to koro amiyo gitimore. An ema ne achano mondo imuk mier mochiel motegno, olokre gundni,

Isaya 45:5

An e Ruoth Nyasaye, kendo moro onge. Adier, onge Nyasaye moro mak mana an. Kata obedo ni pok ing’eya, to abiro miyi teko,

Ezekiel 38:16

Ununur kuom joga Israel, mana ka rumbi maumo piny. Ka kindeno ochopo, anaori mondo imonj pinya, to gima natimni nonyis ogendini ni an Ng’ama Ler, mi ging’eya, yaye Gog!