1 Ruodhi 11:2 - MUMA MALER 2015

² To Ruoth Nyasaye nosewuoyo ni jo-Israel kuom ogendnigo niya, “Kik ukend nyigi, to gin bende kik uyienigi mondo gikend nyiu, nikech adier ginilok chunyu mondo ulam nyisechegi.” To kata kamano Solomon nohero mon-go ahinya.

Motingʼo Loko Manyien

² Negia e ogendini mane Jehova Nyasaye okwero jo-Israel kawacho niya, “Kik ukendru kodgi, nikech adier ginilok chunyu ma uluw nyisechegi.” Kata kamano, Solomon nomoko kuomgi gihera.

1 Ruodhi 11:2 ပူးပေါင်းရင်းမြစ်များ

Chakruok 2:24

Ma emomiyo ng’ato weyo wuon gi min, to padore kuom chiege, kendo gidoko ringruok achiel.

Chakruok 34:3

To nohero Dina ahinya, omiyo notemo hoyo chunye,

1 Ruodhi 11:9

Koro Ruoth Nyasaye nokecho gi Solomon, nikech chunye nosea kuom Ruoth Nyasaye ma Nyasach Israel mane ofwenyorene diriyo,

2 Weche mag Ndalo 19:2

To Jehu wuod Hanani ma janen nodhi romone mopenje niya, “Bende itimo maber kikonyo joricho kendo ihero joma ok ohero Ruoth Nyasaye? Mirima osemako Ruoth Nyasaye kodi nikech wachni.

2 Weche mag Ndalo 21:6

Noluwo timbe ruodhi Israel kaka jodhood Ahab notimo, nimar nokendo jodhood Ahab. Timbene ne richo e nyim Ruoth Nyasaye.

Ezra 9:12

Emomiyo kik uyie mondo yawuotgi okend nyiu, kata yawuotu okend nyigi. Bende kik utim gimoro ma dikelnigi kue, kata ma dikelnigi mwandu nyaka chieng’. Kamano unubed motegno, mi unucham gik mabeyo mag pinyno, kendo unuwe pinyno ni nyithindu ka mwandugi nyaka chieng’.’

Zaburi 139:21

A Ruoth Nyasaye, mano kaka amon gi joma mon kodi, kendo mano kaka asin gi jogo mapiem kodi.

Wuok 23:31

Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Wuok 34:12

Ritreuru mondo une ni ok utimo winjruok moro gi jopiny mudhiyeno, nono to gilokorenu obadho.

Wuok 34:16

Yawuotu bende dikend nyigi, to mondgigo dilam nyisechegi, mi gimi yawuotu weya, kendo lam nyisechegigo.

Malaki 2:11

Jo-Juda oseketho singruok mane gitimo ni Nyasaye, kendo gisetimo gik maricho e Israel kendo e Jerusalem. Gisedwanyo Kama Ler mar Ruoth Nyasaye mohero, kendo gisekendo mon malamo nyiseche mamoko.

Jo-Rumi 1:32

Ging’eyo malong’o ni Chik Nyasaye wacho ni joma timo gik makamago owinjore gi tho, to kata kamano pod gisiko gitimogi atima, to bende gipako joma timo gik ma kamago.

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

1 Jo-Korintho 15:33

Kik wuondu! Osiepe maricho ketho timbe mabeyo.

Fweny 2:4

To kata kamano pod an gi wach kodi ni, koro ok ihera kaka ne ihera mokwongo.