1 Ruodhi 11:11 - MUMA MALER 2015

¹¹ Emomiyo Ruoth Nyasaye nowacho ni Solomon niya, “Ok iserito singruokna gi buchena kaka nachiki, omiyo abiro golo loch kuomi, mi ami achiel kuom jotichni.

Motingʼo Loko Manyien

¹¹ Omiyo Jehova Nyasaye nowacho ni Solomon niya, “Nikech ma en pachi kendo ok iserito singruokna gi buchena mane achiki, chutho abiro pogo lochni kendo abiro miyo achiel kuom jotichni.

1 Ruodhi 11:11 ပူးပေါင်းရင်းမြစ်များ

1 Ruodhi 11:12

Ok abi timo kamano e ndaloni, nikech pod aparo Daudi wuoru, to anagol loch e lwet wuodi.

1 Ruodhi 11:26

Jatich Solomon moro bende nopiem kode. Ne ne Jeroboam wuod Nebat, ja-Efraim ma ja-Zareda. Nying min mare ne Zerua, ma chi liel.

1 Ruodhi 11:29

Chieng’ moro ka Jeroboam ne wuok Jerusalem, Ahija janabi, ma ja-Shilo noromo kode e yo. Ji ariyogo ne nie pap kendgi, to noyudo ka Ahija orwako law manyien.

1 Ruodhi 11:31

Nowacho ni Jeroboam niya, “Kaw kidienje apar obed magi nimar Ruoth Nyasaye ma Nyasach Israel owacho niya, ‘Winji, achiegni golo loch e lwet Solomon. Abiro miyi dhoudi apar,

1 Ruodhi 12:20

Kane jo-Israel duto owinjo ni Jeroboam oseduogo, ne giluonge e chokruok mi gikete ruodh Israel duto. Onge joma nodok ni Rehoboam kod jood Daudi mak mana jo-Juda kende, gi jo-Israel mane odak e dier jo-Juda.

2 Ruodhi 17:15

Ne gichayo chikene gi singruokne mane otimo kod kweregi, kendo ne ok gidewo weche mane osiemogigo. Ne gilamo nyiseche manono, nyaka gin giwegi gidoko joma nono, nikech ne giluwo timbe mag ogendini mokiewo kodgi, mane Ruoth Nyasaye osekwerogi ni kik giluw.

2 Ruodhi 17:21

Kane Ruoth Nyasaye opogo jo-Israel kuom dhood Daudi, jo-Israel noketo Jeroboam wuod Nebat ruoth. Mi Jeroboam nohoyo jo-Israel mondo owe luwo Ruoth Nyasaye, kendo nomiyo gidonjo e richo maduong’.

Zaburi 78:10

Ne ok girito singruok mane gisetimo gi Nyasaye. Kamano ne gitamore rito chikene.

Kwan 14:23

ma none piny mane asingora ni nami kweregi. Gisetema kendo gisetamore winja nyadipar, omiyo onge kata ng’at achiel kuom joma nochayago ma none pinyno.

Kwan 14:35

An Ruoth Nyasaye, asewuoyo, kendo abiro timo ni oganda marach moseriworenani gima asewachono. Gibiro rumo mana e thimni! Adier, ka ema gibiro thoe!”