1 Ruodhi 11:1 - MUMA MALER 2015

¹ Ruoth Solomon nohero nyi pinje mamoko mang’eny. Nokendo nyar Farao, gi nyi Amon, gi nyi Edom, gi nyi Sidon, kod nyi Hiti.

Motingʼo Loko Manyien

¹ Kata kamano Ruoth Solomon nohero nyi pinje mamoko mangʼeny; mane omedo bangʼ nyar Farao kaka nyi jo-Moab gi jo-Amon gi jo-Edom gi jo-Sidon kod nyi jo-Hiti.

1 Ruodhi 11:1 ပူးပေါင်းရင်းမြစ်များ

1 Ruodhi 11:8

Kamano e kaka notimo ni mondene duto ma nyi pinje mamoko, mane wang’o ubani kendo timo misengni ni nyisechegi.

1 Ruodhi 14:21

Rehoboam wuod Solomon, ma min mare niluongo ni Naama, nyar Amon, nodoko ruodh Juda. Nochako tich ka en jahigni piero ang’wen gachiel, kendo norito piny kuom higni apar gabiriyo, kodak Jerusalem, dala mane Ruoth Nyasaye oyiero kuom dhout Israel duto mondo nyinge obedie.

1 Ruodhi 14:31

Rehoboam notho, moyike but kwerene e dala Daudi. Min mare ne nyinge Naama nyar Amon. Abija wuod Rehoboam nodoko ruoth kare.

1 Ruodhi 16:31

Ok noluwo mana richo mag Jeroboam kende, to gima rachie moloyo mane otimo, en ni nokendo Jezebel nyar Ethbaal ruodh jo-Sidon, kendo notiyo ni Baal, kolame.

1 Ruodhi 3:1

Solomon nokendo nyar Farao, ruodh Misri, kokelogo winjruok e pinjegi, kendo nokele e dala Daudi gi Od Ruoth Nyasaye, kod ohinga molworo Jerusalem.

Ezra 10:44

Jogo duto nosekendo nyi joma ok jo-Yahudi, to koro ne giriembogi, kaachiel gi nyithindgi.

Ezra 9:1

Kane osetim gigo duto, jodongo moko nobiro ira, mowachona niya, “Jo-Israel koda ka jodolo gi jo-Lawi ok osepogore moa kuom joma ok jo-Yahudi, to gitimo mana timbe makuero mane mag jo-Kanaan gi jo-Hiti gi jo-Perizi gi jo-Jebus gi jo-Amon gi jo-Moab gi jo-Misri kod jo-Amor.

Ezra 9:2

Gisekendo nyi joma ok jo-Yahudi, ma koro odak e pinyni, kendo yawuotgi bende gisekendonigi nyi jogo. Kamano oganda maler mar Nyasaye osenywandore gi joma ok jo-Yahudi. To jotelo gi jodongo ema josebedo joketho moloyoe jomoko.”

Wuok 34:16

Yawuotu bende dikend nyigi, to mondgigo dilam nyisechegi, mi gimi yawuotu weya, kendo lam nyisechegigo.

Ngeche 2:16

Rieko noresi kuom dhako ma jamganga, ma temo ywayi gi weche mamit.

Ngeche 22:14

Terruok en bur matut ma joma Ruoth Nyasaye okechogo nyumoree.

Ngeche 23:33

Inine gik mayoreyore ka ringo e wang’i, kendo iniwach gik manono.

Ngeche 31:3

Kik iketh tekri kuom mon, kata kik iwit mwanduni duto kuomgi, nikech giseketho ruodhi mang’eny.

Ngeche 6:24

Ginyalo miyo ibed mabor gi mon maricho, kendo itang’ ni weche mamit mag mond jomoko nono.

Ngeche 7:5

Ginimi itang’ ni mond jomoko nono. Adier, inibed mabor gi mon ma jomganga mawacho weche kisera.

Tim jo-Lawi 18:18

Kik ikaw nyamin chiegi mondo obed nyieke, mi iriwri kode ka nyamin pod ngima.

Rapar mar Chik 17:17

Kik obed gi mon mathoth, nikech mano dipo koketho parone, to mwandu bende kik obedgo mang’eny.