1 Ruodhi 10:3 - MUMA MALER 2015

³ To Solomon nodwoko penjone duto, maonge moro mane otame dwoko.

Motingʼo Loko Manyien

³ Solomon nodwoko penjone duto; nimar onge gima ne tek mane ruoth ok nyal lerone.

1 Ruodhi 10:3 ပူးပေါင်းရင်းမြစ်များ

2 Samuel 14:17

Bende naparo niya, ‘Wach ruoth ema nyalo miya kue, nikech ruoth chalo malaika mar Nyasaye mapogo gima ber gi gima rach.’ Ruoth Nyasaye ma Nyasachi mondo obed kodi.”

2 Samuel 14:20

Notimo kamano ni mondo gik mosetimore olokre. To ruoth, in gi rieko machalo mar malaika mar Nyasaye ming’eyogo gik moko duto matimore e piny.”

1 Ruodhi 10:1

Kane ruoth madhako ma Sheba owinjo humb Solomon korka nying Ruoth Nyasaye, nobiro mondo oteme gi penj mang’eny matek.

1 Ruodhi 10:2

Nobiro Jerusalem gi oganda maduong’ ahinya, kod ngamia moting’o gik mang’ue ng’ar, gi dhahabu mogundho, kod kite mabeyo ma nengogi tek. Ka nobiro ir Solomon, nopenje duto mane nie chunye.

1 Ruodhi 10:4

Kane ruoth madhako mar Sheba oneno riekone duto, gi ot ma nosegero,

1 Ruodhi 3:12

koro atimoni kaka isekwayo. Amiyi chuny mar rieko kod mar ng’eyo. Pok onywolie ng’at machal kodi, bende ok nonywol moro bang’i.

2 Weche mag Ndalo 9:2

To Solomon nodwoko wechene duto, ma onge moro mane otame dwoko.

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

Isaya 42:16

Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Johana 7:17

Ng’at moyie timo gima Nyasaye dwaro, to biro ng’eyo kata ka weche ma apuonjo oa ka Nyasaye, kata ka apuonjo mana wechena awuon.

1 Jo-Korintho 1:30

Osekelou e achiel gi Kristo Yesu, kendo osemiyo Kristo obedo riekowa. Kuom Kristo bende ema Nyasaye osemiyo wabet e winjruok kode, kendo osemiyo wabedo joge kendo wayudo warruok.

Jo-Kolosai 2:3

En ema mwandu duto mag rieko kod ng’eyo opand kuome.