1 Ruodhi 10:26 - MUMA MALER 2015

²⁶ Solomon nochako ng’iewo geche mag lweny kod farese. Ne en gi geche alufu achiel gi mia ang’wen, kod farese alufu apar gariyo, ma moko noketo e miech geche, to moko ne en go Jerusalem.

Motingʼo Loko Manyien

²⁶ Solomon nongʼiewo geche mag lweny kod farese; ne en gi geche mag lweny alufu achiel mia angʼwen kod farese alufu apar gariyo mane oketo e mier madongo mag geche lweny to moko bende noketo Jerusalem kama nodake.

1 Ruodhi 10:26 ပူးပေါင်းရင်းမြစ်များ

1 Ruodhi 4:26

Solomon ne nigi udi alufu piero ang’wen moger ni farese mag gechene, bende ne en gi joidh geche alufu piero ang’wen moger ni farese mag gechene, bende ne en gi joidh farese alufu apar gariyo.

1 Ruodhi 5:6

Omiyo koro yie ichik ji mondo otong’na yiend sida mag Lebanon. Jotichna nonywak tich kod jotichni, kendo anamiyi chudo mag jotichni kaka ichano, nikech onge ng’ato kuomwa mong’eyo tong’o yien machal gi jo-Sidon.”

1 Ruodhi 9:19

kod mier duto mag keno mane en go, gi mier mokanoe gechene mag lweny, kod miech joge ma joidh farese,. Bende Solomon nogero udi e Jerusalem, kod Lebanon, kendo e pinye duto, kaka nodwaro.

2 Weche mag Ndalo 9:25

Solomon ne nigi udi alufu ang’wen mag farese gi mag geche, kod joidh farese alufu apar gariyo. Moko kuomgi noketo e miech geche, to moko ne en go Jerusalem.

Isaya 2:7

Pinyu opong’ gi fedha gi dhahabu kod mwandu mokadho akwana, kaachiel gi farese mang’eny gi geche mogundho mag lweny.

Rapar mar Chik 17:16

Kik ruodhno bed gi farese mang’eny, to bende kik oor jo-Israel Misri mondo oomne farese moko ni eka omed bedo gi farese mang’eny, nimar Ruoth Nyasaye nokwerou ni kik udog kuno kendo ngang’.