1 Ruodhi 10:25 - MUMA MALER 2015

²⁵ Higa ka higa, ng’ato ka ng’ato ne kelone chiwo mag gik molos gi fedha gi dhahabu, kaachiel gi lewni, kod gilwenje, gi gik mang’we ng’ar, gi farese kod nyumbu.

Motingʼo Loko Manyien

²⁵ Higa ka higa ngʼato ka ngʼato manobiro nokelo mich kaka gik molos gi fedha kod dhahabu, kandho, gige lweny, gik mangʼwe ngʼar, farese kod punde.

1 Ruodhi 10:25 ပူးပေါင်းရင်းမြစ်များ

Chakruok 36:24

To Zibeon nonywolo Aya kod Ana, Ana ema noyudo sokni machuer pi maliet ka nokwayo kenje Zibeon wuon mare e thim.

2 Samuel 8:10

nooro Joram wuode ire, mondo omose, kendo opake kuom loyo Hadadezer, nimar Hadadezer ne jasik Tou. Joram nokelo gik moko mag fedha, gi mag dhahabu, kod mag mula.

2 Samuel 8:2

Noloyo jo-Moab bende, kendo nochikogi mondo ginind piny, ka giriedo. Eka nopogogi gi tol e migepe adek. Nogolo chik mondo oneg migepe ariyo to migawo achiel mondo odong’. Bang’ mano jo-Moab nobedo e bwo loch Daudi, kendo ne gigolone osuru.

1 Ruodhi 1:33

“Dhiuru gi askechena, uket Solomon wuoda e kanja, kendo ukowe nyaka Gihon,

1 Ruodhi 10:10

Eka nomiyo ruoth Solomon dhahabu moromo kilo alufu abiriyo, kod kite ma nengogi tek. Solomon ne ok ochako oyudo gik mang’ue ng’ar ma dirom gi mago mane ruoth madhako mar Sheba omiye.

1 Ruodhi 18:5

Ahab nowacho ni Obadia niya, “Wawuoth e piny duto, e sokni kod aore duto, dipo ka wayudo lum ma dwaresgo farese gi kenje, mondo kik kech neggi duto.”

1 Ruodhi 5:1

Kane Hiram ruodh Turo owinjo ni Solomon osewir, moket ruoth kar Daudi wuon mare, nooro joote ire, nikech yande ne ohero Daudi.

2 Ruodhi 17:4

To ruodh Asuria noyudo ni Hoshea ndhoge, nikech Hoshea noseoro joote ir So ruodh Misri, bende noweyo chulo osuru kaka nosebedo kotimo higa ka higa. Kuom mano, ruodh Asuria nomake, mokete e od tuech.

2 Weche mag Ndalo 26:8

Uzia noketo ni jo-Amon osuru, kendo humbe nolak nyaka mbap Misri, nimar nosedoko ruoth maduong’ ahinya.

2 Weche mag Ndalo 9:24

Higa ka higa, ng’ato ka ng’ato ne kelone chiwo mag gik molos gi fedha gi dhahabu kaachiel gi lewni kod gilweny gi gik mang’ue ng’ar gi farese kod nyumbu.

Ezra 2:66

Ne gin gi farese mia abiriyo gi piero adek gauchiel, gi nyumbu mia ariyo gi piero ang’wen gabich,

Ayub 42:11

Owete Ayub duto, gi nyiminene kod osiepene machon, ne obiro lime, mi ochiemo kode e ode. Ne giywage, mi gihoyo chunye kuom thagruok ma yandi Ruoth Nyasaye osekelo kuome, kendo moro ka moro nomiye pesa kod tere mar dhahabu.

Zaburi 68:29

e Hekalu mari man Jerusalem, kama ruodhi kelonie chiwo.

Zaburi 72:10

Ruodhi mag Spania kod mag pinje manie dier nam nogolne osuru, kendo ruodhi mag Arabu gi mag Ethiopia bende nokelne mich.

Zaburi 72:15

Ruoth mondo odag aming’a. Onego oyud chiwo mar dhahabu moa Arabu. Bende onego lemne kinde duto, kendo hap Nyasaye mondo obed kode pile.

Isaya 36:16

Kik uwinj wach Hezekia, nimar ruodh Asuria owacho niya, ‘Winjreuru koda, mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

Isaya 66:20

Jou ma gigolo kuom ogendini duto ginikelna kaka chiwo, an Ruoth Nyasaye. Ginikelgi Jerusalem, goda maler, ka moko oidho farese, to moko oidho geche mag lweny gi geche mamoko kendo moko bende oidho kenje kod ngamia, mana kaka jo-Israel kelo misengni e od Ruoth Nyasaye, ka giting’o e tewni maler. An Ruoth Nyasaye ema awacho kamano.

Ezekiel 27:14

Jo-Beth-togarma ne miyi farese matiyo, gi mago miidho, kod kenje kar gigi.

Mathayo 2:11

Ne gidonjo e ot, mi gineno nyathino gi Maria min mare, eka ne gigoyo chonggi piny, mi gimiye duong’. Bang’e ne gigolo mwandu mane gibirogo, mi gimiye dhahabu gi ubani kod manemane, ma gin yien moko mang’ue ng’ar.

Jong’ad Bura 3:15

To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.