1 Ruodhi 10:22 - MUMA MALER 2015

²² Ruoth Solomon ne nigi yiedhi mane kwang’ e nam, kaachiel gi yiedhi mag Hiram. Ne gidongo, machal gi mago mane dhi Tarshish. Bang’ higni adek adek, yiedhigo ne kelo dhahabu gi fedha, gi lak liech, gi ong’eche kod bimbe.

Motingʼo Loko Manyien

²² Ruoth ne nigi yiedhi mangʼeny mag ohala e nam kaachiel gi yiedhi mag jo-Hiram. Dichiel bangʼ higni adek ka higni adek negidwogo ka gitingʼo dhahabu gi fedha gi leke liech gi ongʼeche kod bimbe.

1 Ruodhi 10:22 ပူးပေါင်းရင်းမြစ်များ

Chakruok 10:4

Javan nonywolo Elisha gi Tarshish gi Kitim kod jo-Rodan.

1 Ruodhi 10:18

Bende noloso kom duong’ mang’ongo mar lak liech, mobawo gi dhahabu maler.

1 Ruodhi 10:21

Kikombe duto mag Solomon nolos gi dhahabu, kendo gik moko duto mikonyruokgo e Od Bungu mar Lebanon bende nolos gi dhahabu maler. Onge gimoro mane olos gi fedha, nikech fedha ne ok kwan ka gimoro e ndalo mag Solomon.

1 Ruodhi 22:48

Jehoshafat nohondho yiedhi madongo machal gi mago mane dhi Tarshish, mondo oomgo dhahabu Ofir. To ne ok gidhi, nikech ne gibarore mana Ezion-giber.

1 Ruodhi 22:49

Eka Ahazia wuod Ahab nokwayo Jehoshafat niya, “Yie mondo jowa odhi gi jou e yiedhi mau.” To nodagi.

1 Ruodhi 9:26

Ruoth Solomon nohondho yiedhi moko Ezion-geber but Eloth e dho wadh Nam Makwar e piny Edom.

2 Weche mag Ndalo 9:21

nimar yiedhi mage ne dhi Tarshish gi jotich Hiram, kendo bang’ higni adek ne gikelo dhahabu gi fedha gi lak liech gi ong’eche kod bimbe.

Ayub 39:13

Udo kwadho buombe aruya ahinya, to ok onyal huyo ka ogungo.

Zaburi 48:7

kendo ne gitagore, mana ka yiedhi madongo madhi Tarshish, ma yamb ugue tago.

Zaburi 72:10

Ruodhi mag Spania kod mag pinje manie dier nam nogolne osuru, kendo ruodhi mag Arabu gi mag Ethiopia bende nokelne mich.

Isaya 2:16

Kata mana yiedhi madongo duto madhi Tarshish, kod mago mag Arabia bende nokethi chieng’no.

Isaya 23:1

Wach mane Nyasaye onyiso e fweny kuom Turo ema: Un yiedhi madongo mag Turo madhi Tarshish, ywaguru, nikech dhowath mugowoe ibiro kethi chuth. Ubiro winjo wachni e yo kurawo e chula Saiprus.

Isaya 23:10

Kuom mano, pururu lowo un jo-Tarshish, nikech ohandu biro rumo!

Isaya 23:6

“Yaye, un joma odak e dhonam, ywaguru, kendo idhuru yiedhi udhi Tarshish.

Isaya 60:9

Gin yiedhi moa e pinje manie dhonembe kod chulni, ma biro ka yiedhi madongo mag Tarshish otelonigi. Gikelo yawuoti moa kuma bor, ka nigi dhahabu kod fedha, ma gibiro miyogo nying Ruoth Nyasaye, ma Ng’ama Ler mar Israel duong’, nimar osemiyi duong’.

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Ezekiel 27:12

“Ne iloko ohala e piny Tarshish, kikawo fedha gi kit nyinyo moko mopogore opogore kaka chudo kuom gik mogundho mane itimogo ohala.

Ezekiel 27:15

Jo-Rodo noloko kod ohala, kendo ji moa e pinje mang’eny manie dhonam nomiyi lak liech kod bepe mabeyo maratenge kaka chudo kuom gigi.

Amos 3:15

Anamuk udi midakie ndalo chwiri kod mago midakie ndalo oro. Udi ma olich igi gi lak liech nodong’ gundni, kendo ot ka ot maduong, nokethi.”

Jona 1:3

To kane Jona owinjo kamano, nowuok mondo oring odhi Tarshish, oa e wang’ Ruoth Nyasaye. Nodhi Jopa, kuma noyudoe yie madhi Tarshish. Nochulo nengo mar wuoth, mi oidho yie mondo odhi Tarshish kuma bor gi Ruoth Nyasaye.