1 Ruodhi 10:18 - MUMA MALER 2015

¹⁸ Bende noloso kom duong’ mang’ongo mar lak liech, mobawo gi dhahabu maler.

Motingʼo Loko Manyien

¹⁸ Eka ruoth noloso kom loch maduongʼ ma iye obaw gi lak liech kendo ngʼeye obaw gi dhahabu mopwodhi.

1 Ruodhi 10:18 ပူးပေါင်းရင်းမြစ်များ

1 Ruodhi 10:19

Kom duong’no ne nigi raidhi man gi kuonde minyono auchiel. Ka toke ne nitie nyaroya mar dhahabu, to sibuoche ariyo mag dhahabu nochung’ e bath bede kom koni gi koni,

1 Ruodhi 10:22

Ruoth Solomon ne nigi yiedhi mane kwang’ e nam, kaachiel gi yiedhi mag Hiram. Ne gidongo, machal gi mago mane dhi Tarshish. Bang’ higni adek adek, yiedhigo ne kelo dhahabu gi fedha, gi lak liech, gi ong’eche kod bimbe.

1 Ruodhi 22:39

Weche moko mag Ahab, gi timbene duto, kod ode mane olos gi lak liech, gi mier duto ma nogero, ondik e Kitap Weche mag Ndalo mag Ruodhi mag Israel.

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Zaburi 122:5

Kanyo ema nitie ut ng’ado bura, ma ruoth ma nyakwar Daudi ng’adoe bura ni joge.

Zaburi 45:6

Lochni chalo gi loch Nyasaye mosiko nyaka chieng’, kendo irito pinyi gi adiera,

Zaburi 45:8

Lepi duto dum manemane gi poda kod dalasini. Jothum bende miyi mor e udi mabeyo mobaw malich gi lak liech.

Ezekiel 27:6

Ngeyni magi to ne giloso gi yiend ober moa Bashan, kendo tati ne giloso gi yiend saipras, mogol e chulni mag Kitim. Eka ne gibawi gi lak liech.

Amos 6:4

Un ma unindo e kitendni molos gi lak liech, kendo utaroru e kombe madongo, kuchamo nyirombe mugolo kuom jambu, kod nyiruedhi machue mopidh maber.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 1:8

To ka owuoyo kuom Wuowi, to owacho niya, “A Nyasaye, lochni nosik nyaka chieng’, kendo irito piny gi adiera.

Fweny 18:12

Dhahabu gi fedha gi kite ma nengogi tek gi lulu gi nanga maber gi nanga maratiglo kod nanga mareprep gi nanga makwar gi yien duto madum tik mamit, gi gik moko duto molos gi lak liech, kod molos gi yien ma nengogi tek, kod molos gi mula, kod molos gi nyinyo, kendo molos gi kite mabeyo,

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.