1 Ruodhi 1:7 - MUMA MALER 2015

⁷ Noloso gi Joab wuod Zeruya, kod Abiathar jadolo, mi jogo nodokne, kendo ne gikonye.

Motingʼo Loko Manyien

⁷ Adonija noloso gi Joab wuod Zeruya kod Abiathar jadolo mine gimiye lwedo.

1 Ruodhi 1:7 ပူးပေါင်းရင်းမြစ်များ

2 Samuel 15:12

Kane Absalom timo misango, nooro wach Gilo, moluongne Ahitofel ja-Gilo, ma jang’ad rieko ni Daudi. Kamano ji mane ong’anyo ka dok ni Absalom nomedore.

2 Samuel 15:35

Un gi Zadok gi Abiathar ma jadolo kuno. Wach moro amora miwinjo e od ruoth to inyis jodologo.

2 Samuel 20:23

Koro Joab ne jatend jolweny duto, to Benaya wuod Jehoyada ne jatend jolweny mowak ma jo-Kereth gi jo-Peleth.

2 Samuel 20:25

Sheva ne jagoro, kendo Zadok gi Abiathar ne jodolo.

2 Samuel 8:16

Joab wuod Zeruya ne jatend jolweny, to Jehoshafat wuod Ahilud ne jachan weche.

1 Ruodhi 2:22

Ruoth Solomon nopenjo min mare ni, “Ang’o momiyo ikwaya mondo Abishag nyar Shunam obed chi Adonija? Chal ka gima ikwaya mana ni mondo amiye loch, nimar en owadwa maduong’, kendo Abiathar jadolo, gi Joab wuod Zeruya, jodokne.”

1 Weche mag Ndalo 11:6

Daudi nosewacho niya, “Ng’at ma nokwong nego ja-Jebus ema nobed jatelo kata jaduong’ lweny.” Joab wuod Zeruya ema nokwongo timo kamano, mi nokete jatelo.

1 Weche mag Ndalo 27:34

Bang’ tho Ahithofel, Jehoyada wuod Benaya kod Abiathar ne jokawo kare. To Joab ne jaduong’ jolweny.

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.