1 Ruodhi 1:6 - MUMA MALER 2015

⁶ Nyaka oa e tinne wuon mare ne pok otale. Adonija ne wuod Daudi mane jalup’ Absalom, kendo ne en gi chia kaka owadgino.

Motingʼo Loko Manyien

⁶ Wuon mare ne pok otale kata penje niya, “En angʼo momiyo itimo kamano?” Bende ne en gi chia kendo nonywole koluwo bangʼ Abisalom.

1 Ruodhi 1:6 ပူးပေါင်းရင်းမြစ်များ

2 Samuel 14:25

E Israel duto ne onge ng’at man gi chia miwuoro ka Absalom. Mbala ne onge kuome, a wiye nyaka tiende piny.

1 Ruodhi 2:22

Ruoth Solomon nopenjo min mare ni, “Ang’o momiyo ikwaya mondo Abishag nyar Shunam obed chi Adonija? Chal ka gima ikwaya mana ni mondo amiye loch, nimar en owadwa maduong’, kendo Abiathar jadolo, gi Joab wuod Zeruya, jodokne.”

1 Weche mag Ndalo 3:2

Mar adek ne Absalom, ma min mare ne Maaka nyar Talmai ruodh Geshur. Mar ang’wen ne Adonija ma min mare ne Hagith.

Ngeche 22:15

Timo gik mofuwo en kit nyathi. Ka ichwade to obiro weyo timbe makamago.

Ngeche 29:15

Ka ichwado nyathi, kendo ikwere, eka ikonye bedo mariek. Nyathi mowe aweya to kelo ni min mare wichkuot.

1 Samuel 10:23

Mi ne giringo giome kuno. Ne orabora ahinya, ma kochung’ e dier ji, to giduto girem mana e goke.

1 Samuel 3:13

Nyaka iwachne ni abiro ng’ado ni dhoode bura mosiko, nikech nong’eyo ni yawuote yanyo Nyasaye, to ne ok okwerogi.

1 Samuel 9:2

Nonywolo wuowi maratego kendo ma jaber ma nyinge Saulo. Kuom jo-Israel duto ne onge ng’at man gi chia moloye. Ne orabora ahinya, ma ji duto ne rem mana e goke.