1 Ruodhi 1:52 - MUMA MALER 2015

⁵² Solomon nowacho ni, “Ka timbene nonyiswa ni en ng’ama kare, to onge kata yie wiye achiel ma nolwar piny. To ka noyud kuome ketho moro, to nonege!”

Motingʼo Loko Manyien

⁵² Solomon to nodwoko niya, “Ka timbene onyisore ni en ngʼat makare kata mana yie wiye ok enolwar e lowo; to ka richo oyudi kuome to enotho.”

1 Ruodhi 1:52 ပူးပေါင်းရင်းမြစ်များ

2 Samuel 14:11

Dhakono nomedo wacho niya, “Ruoth, akwayi mondo ikuong’rina e nying Ruoth Nyasaye ma Nyasachi, ni jachul kuor kik med ketho, konego wuoda.” Ruoth nodwoke ni, “Gi nying Ruoth Nyasaye, kata yie wi wuodi achiel ok nolwar piny.”

1 Ruodhi 1:51

Nonyis Solomon niya, “Adonija oluori; omiyo osemako tunge mag kendo-mar-misango, kowacho niya, ‘Ruoth Solomon mondo okuong’rena ni ok nonega.’ ”

1 Ruodhi 1:53

Eka ruoth Solomon nooro wach, kendo ne gigole oko e kendo-mar-misango. Nobiro, mokulore ni ruoth, mi ruoth nowachone ni, “Dog dalani.”

Ayub 15:22

Oonge gi geno mar wuok e chandruok, nimar ong’eyo ni tho okiye,

Ngeche 13:6

Tim makare rito ng’at modimbore. Timbe maricho to tieko joricho.

Ngeche 21:12

Nyasaye Makare nono miech joricho, kendo otieko jorichogo.

Mathayo 10:30

To un kata mana yie wiu duto bende osekwan!

Luka 21:18

To kata kamano, onge kata yie wiu achiel ma nolal.

Tich Joote 27:34

Omiyo koro akwayou ni mondo uchiem, uyud teko, nikech kata mana yie wiu achiel ok nolal.”

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.