1 Ruodhi 1:40 - MUMA MALER 2015

⁴⁰ Bang’e ji duto noluwe ka giduoge; ne gigoyo asili, kendo ne gimor gi mor maduong’, mi piny noyiengni nikech koko margi.

Motingʼo Loko Manyien

⁴⁰ Kendo ji duto nowuotho kaluwo bangʼe ka gigoyo asili kendo gimor mathoth mi piny noyiengni.

1 Ruodhi 1:40 ပူးပေါင်းရင်းမြစ်များ

1 Ruodhi 1:39

Zadok jadolo nokawo tung’ mar mo mane ogolo e Hemb Nyasaye, mowirogo Solomon kuno. Eka ne gigoyo tung’, kendo ji duto nokok niya, “Ruoth Solomon mondo odag aming’a!”

1 Ruodhi 1:41

Adonija gi welo duto mane ni kode nowinjo kokono, ka noyudo gitieko chiemo. Joab to ka nowinjo tung’ ka ywak, nopenjo niya, “Ere gimomiyo dala otimo mahu?”

1 Ruodhi 1:45

kendo Zadok jadolo gi Nathan janabi, josewire gi mo but soko Gihon, mondo obed ruoth. Koro gisea kuro gi ilo; emomiyo dala otimo mahu kendo mano e koko musewinjo.

2 Ruodhi 11:14

Noneno ruoth kochung’ e bath siro, kaka kit jo-Israel nobet, ka tung’ ywak, kendo ji wer. Ji duto ne mor, kendo goyo tung’. Mi Athalia noyiecho lepe, ka kok niya, “Ujemo! Ujemo!”

2 Ruodhi 11:20

Kane oseneg Athalia e od ruoth, ji duto nobedo mamor, kendo Jerusalem nokue.

Zaburi 97:1

Ruoth Nyasaye e ruoth adier! In piny, bed mamor! Un pinje manie dier nam, bende beduru gi ilo.

Daniel 3:5

ka uwinjo tung’ gi thum nyatiti gi asili kod thumbe mamoko kaywak, to nyaka ukulru piny kendo ulam kido ma ruoth Nebukadnezar osechungo.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Luka 19:37

Yesu nochopo machiegni gi Jerusalem, kama yo lorgo kaa e got Zeituni, mi jopuonjre mang’eny nochako pako Nyasaye matek gi mor, nikech timbe madongo miwuoro mane giseneno.

1 Samuel 11:15

Kamano ji duto nodhi Gilgal, kendo ne giketo Saulo ruoth e nyim Ruoth Nyasaye kuno. Ne gitimo ni Ruoth Nyasaye misengni mag sawo, kendo Saulo kod jo-Israel duto nobedo mamor ahinya.

1 Samuel 4:5

Kane Sandug Muma mar Ruoth Nyasaye obiro e kambi, jo-Israel duto nokok matek, ma piny omor.