1 Ruodhi 1:37 - MUMA MALER 2015

³⁷ Ruoth Nyasaye mondo obed gi Solomon kaka ne en kodi, kendo lochne obed maduong’ moloyo mari.”

Motingʼo Loko Manyien

³⁷ Kaka Jehova Nyasaye ne nigi ruodha ma jaloch, mad obed gi Solomon koketo lochne obedo maduongʼ moloyo loch ruodha Daudi Jaloch!”

1 Ruodhi 1:37 ပူးပေါင်းရင်းမြစ်များ

2 Samuel 24:3

To Joab nodwoko ruoth niya, “Ruoth Nyasaye ma Nyasachi mondo omedni ji nyadi mia achiel kapod wang’i neno. To marang’o iketo chunyi e wachni?”

1 Ruodhi 1:36

Benaya wuod Jehoyada nodwoko Ruoth niya, “Obed kamano! Ruoth Nyasaye ma Nyasachi mondo oyie otimre kamano.

1 Ruodhi 1:47

To moloyo, jodong ruoth bende nobiro mopako ruodhwa Daudi, ka giwacho niya, ‘Nyasachi mondo omi nying Solomon obed gi huma moloyo nyingi, kendo omi lochne duong’ moloyo mari.’ Mi ruoth Daudi nokulore e kitandane,

2 Ruodhi 2:9

Kane giseidho loka, Elija nowacho ni Elisha niya, “Yier gima datimni, kapok okawa kuomi.” Elisha nokone ni, “Akwayi mondo ayud pok ariyo mag teko ma in go.”

1 Weche mag Ndalo 28:20

Bang’e Daudi nowacho ni Solomon wuode niya, “Bed gichir, kendo gi jing’o! Kik chunyi nyosre, kendo kik iluor, to chak mana tich, nikech Ruoth Nyasaye ma Nyasacha nobed kodi, kendo ok nojwang’i kata weyi ka pok itieko tije duto mag Ode.

1 Weche mag Ndalo 29:25

Ruoth Nyasaye nomiyo Solomon duong’ ma onge ruodh Israel moro mane osebedogo.

2 Weche mag Ndalo 1:1

Solomon wuod Daudi nogurore e tich ruoth e pinye. Ruoth Nyasaye ma Nyasache ne ni kode, kendo nomiye duong’ ahinya.

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 46:7

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Zaburi 89:27

Abiro miyo obed wuoda makayo, kendo ruoth maduong’ moloyoe ruodhi duto.

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Isaya 8:10

Kata dabed ni uchano gik ma udwaro timo, to gik ma uchanogo nokethre. Adier, kata dabed ni ugolo chik mondo otimgi, to ok ginitimre, nikech Nyasaye ni kodwa.

Daniel 7:14

Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Joshua 1:17

Wanawinji kaka ne wawinjo Musa, to Nyasaye mondo obed kodi kaka nobedo gi Musa!

Joshua 1:5

Onge ng’at ma nosiri nyaka chieng’. Anabed kodi kaka nabet gi Musa. Ok naweyi kata jwang’i ok najwang’i.

1 Samuel 20:13

To ka wuora dwaro timoni marach, mi ok anyisi mondo itony, to Ruoth Nyasaye mondo okweda. Ruoth Nyasaye obed kodi, kaka yande obet gi wuora.